ගාලු මුවදොර අරගලයේ ක්රියාකාරිකයකු ලෙස කටයුතු කළ රතිඳු සේනාරත්න හෙවත් රැට්ටාගේ පෞද්ගලික බැංකු ගිණුමට රුපියල් ලක්ෂ 50ක් තැන්පත් කළ පුද්ගලයාව කොළඹ අපරාධ කොට්ඨාසය මඟින් සොයාගෙන ඇති බව වාර්තා වනවා.
සිද්ධිය පිළිබඳ ප්රශ්න කිරීම සඳහා අදාල පුද්ගලයාව ඊයේ (17) දින අපරාධ කොට්ඨාසය වෙත කැඳවා තිබුණත් සැකකරු ඊයේ එහි නො පැමිණි බවයි පැවසෙන්නේ.
රතිඳු සේනාරත්නට අයත් පෞද්ගලික බැංකු ගිණුමකට පසුගියදා මෙම මුදල් බැර වී තිබූ අතර අදාල මුදල තැන්පත් වූ දවසේ ම රතිඳු සේනාරත්න ඒ පිළිබඳව එම පෞද්ගලික බැංකුවට පැමිණිල්ලක් ද ඉදිරිපත් කර තිබුණා.
පසු ව තම පෞද්ගලික ෆේස්බුක් පිටුවේ සටහනක් තබමින් රතිඳු සේනාරත්න පවසා තිබුණේ, ගිණුම්කරණය පිළිබඳව උගත් තමා මෙවැනි උගුල්වලට තමා කිසිසේත්ම හසු නොවන බවත් මෙතෙක් කාලයක් සිය පෞද්ගලික මුදල් වියදම් කරමින් අරගලය වෙනුවෙන් පෙනී සිටි තමා ව කිසි සේත් ම මෙවැනි උගුල් හරහා නම්මවා ගැනීමට නො හැකි බවත් ය.
”අප මර්දනය කරන්නට මෙතෙක් ගත් නින්දිත ක්රියාමාර්ග හා මඩ කැම්පේන් හමුවේ නොසැලී ඉන්නට පුලුවන් උනේ අපේ අත් 100%. පිරිසිඳු නිසාවෙනි” යැයි ඔහු අවසාන වශයෙන් සටහන් කර තිබුණා.