ආණ්ඩුවට සදාකාලික අමාවකක් නිර්මාණය කිරීමේ ක්රියාවලියක ආණ්ඩුව විසින්ම නිරතව ඇති බව හිටපු අමාත්ය උදය ගම්මන්පිළ මහතා පවසනවා.
ඒ අද (04) පැවති මාධ්ය හමුවක් අමතමින්.
ආර්ථිකය සම්බන්ධයෙන් කිසිඳු දැනුමක් නොමැති පුද්ගලයෙකු විසින් ආර්ථිකය හසුරවමින් සිටින බවයි ඔහු පෙන්වා දෙන්නේ.
“අපිට බධාවන්, බැඳූම් තිබුනා. හරියට දිව ගැටගහලා ගොත ගසමින් කතාකරන කෙනෙකු වගෙයි අපි කතා කළේ. දැන් මේ රට මෙතනට අරන් ගියේ කවුද කියන එක අපිට නිදහසේ කියන්න පුළුවන් වගේම නුදුරු දිනක අපි වරින් වර මේ විනාශයට වගකිව යුත්තන් ගැන වරින් වර රට හමුවේ ලිඛිත සාක්ෂි සහිතව තබන්න අපි සූදානම්.
1958 දී ‘අවලස්සන ඇමරිකානුවා’ යන නමින් ඇමරිකානු දේශපාලන නවකතාවක් ප්රකාශයට පත්වුණා. ඉතින් මේ අවලස්සන ඇමරිකානුවා පොත යලි ශ්රී ලංකාවේ ලියවෙමින් පවතිනවා. ඇමරිකානුවෙක් විසින් ශ්රී ලංකාවේ ඉරණම තීරණය කරමින් සිටිනවා. අපිට ඇමරිකාවෙන් නිදහස් වීමේ අරගලයක නිරත වෙන්න වෙලා තියෙනවා. සිතාමතා මේ කුමන්ත්රණය කරන්නේ 1997 ඉන්දුනීසියාව තිබුණු තැනට අරන් යන්න කියලා අපිට සාධාරණ සැකයක් තියෙනවා.”