විදෙස්ගත ශ්‍රමිකයින් විසින් පසුගිය ජූනි මාසයේ දී මෙරටට එවා ඇති සමස්ත ප්‍රේෂණවල වටිනාකම ඩොලර් මිලියන 274.3 ක් බව ශ්‍රී ලංකා මහ බැංකුව සඳහන් කරනවා.
ඒ අනුව 2022 වසරේ පළමු අර්ධය තුළ දී ලැබී ඇති මුළු ප්‍රේෂණවල වටිනාකම ඩොලර් මිලියන 1,609.9 ක් වන අතර එය 2021 වසරේ පළමු භාගයේ වාර්තා වී ඇති ඩොලර් මිලියන 3,324.4 ක වටිනාකම හා සැසඳීමේ දී 51.6% ක පහළ යාමක්.
2021 ජූනි මාසයේ දී මෙරටට ලැබී ඇති ඩොලර් මිලියන 478.4 ක්වූ ප්‍රේෂණවල රුපියල් වටිනාකම රු. බිලියන 95.6 ක් ලෙසින් සටහන් වනවා.
මෙම වසරේ ජූනි මාසයේ ලැබුණු ප්‍රේෂණ ප්‍රමාණය ඩොලර් මිලියන 274.3ක් වුව ද එහි රුපියල් වටිනාකම රු. බිලියන 98.8 ක් ලෙසින් සටහන්ව තිබෙනවා.
පසුගි මැයි මාසයේ දී ඩොලර් මිලියන 304.1 ක ප්‍රේෂණ ප්‍රමාණයක් ලැබී තිබුණා.
එය රු. බිලියන 109.2 ක වටිනාකමකට සමාන අගයක්.
