මෙරට කොරෝනා ව්යාප්තිය ඇරඹී විශාල කාලයක් ගත වී ඇති නමුත් කොරෝනා පාලනය වෙනුවෙන් අවශ්ය වෛද්ය පහසුකම් සපයා ගැනීමට වත්මන් රජය විසින් තවමත් අසමත් වී ඇති බව වෛද්ය රාජිත සේනාරත්න මහතා පවසනවා.
එ මහතා මේ බව පැවසුවේ අද (10) පැවති මාධ්ය හමුවක් අමතමින්,
කොර්රෝනා ආසාදිතයන් වෙනුවෙන් පවතින ඇඳන් ඇතුළු පහසුකම් හිඟය පිළිබඳ අදහස් දැක්වූ හිටපු අමාත්යවරයා,
“ඇතැම් තැන් වල අපි අහනවා ඇයි මේ පීසීආර් පරීක්ෂණ ප්රමාණය අඩු කරන්නේ? ඒ ගොල්ලො කියනවා, සර්, පීසීආර් අඩු නොකර කොහෙටද අපි දාන්නේ? ඉතින් පීසීආර් අඩු කරලා ලෙඩ්ඩු අඩු කරනවා.
එදා ඩෙංගි වසංගත සමයේදි හැම රෝහලකම මම HDUs දැම්මා. දාලා අවශ්ය පහසුකම් දීලා මාසකින් වසංගතය පාලනය කරා. ඒ නිසයි එදා අපිට ප්රශංසා කරලා ලෝක සෞඛ්ය සංවිධානය අපිට ලියුම් එව්වේ.
කොවිඩ් වසංගතය මේ රටට ආවෙ කොයි කාලෙද? තාම බැරි උනා මේ වසංගතයට අවශ්ය බඩු ටික ලෑස්ති කරලා දෙන්න. රට හදන විරුවා කියන පුද්ගලයට කෝ සැලසුම්? මේවට සැලසුම් මුළු ලෝකෙන්ම හොයා ගන්න පුළුවන්. HDUs නැති නිසා, ඔක්සිජන් නැති නිසා දිනපතා කිහිපදෙනෙක් මියයනවා.
එමෙන්ම, චීනයේ සයිනොවැක් එන්නත් නිෂ්පාදනාගාරයක් මෙරට ඇරඹීමට නියමිත බවට ප්රචාරය කරන පුවත අසත්යයක් බවත් මෙහිදී සිදු කරන්නේ එන්නත තොග වශයෙන් රැගෙන විත් කුප්පි වලට ඇසුරුම් කිරීම පමණක් බවත් ඒ මහතා පෙන්වා දෙනවා. කෙසේ නමුත් සයිනොවැක් යනු ඵලදායීතාව ඉතාමත් අඩු එන්නතක් බවත් එම එන්නත ඇසුරුම්කරණය සිදු කරන කර්මාන්තශාලාවේ ප්රමිතිය තහවුරු කිරීමකින් තොරවම ඇරඹීමට උත්සහයක් පවතින බවත් මේ වෙනුවෙන් ජනාධිපතිවරයාගේ නම භාවිතයක් සිදුවන බවත් ඔහු වැඩිදුරටත් පවසනවා.
“මං හිතන්නේ නෑ ජනාධිපතිතුමා මේ ක්රමවේද අධ්යනය කරලා, නෑ මට ඕවා වැඩක් නෑ. මට අගෝස්තු වෙද්දි ඕන කිව්වා කියලා මම හිතන්නෙ නෑ. සමහරු ඉන්නවා තමන්ගෙ වැඩේ කරගන්න ජනාධිපතිගෙ නම විකුණනවා. හැම එකටම ජනාධිපතිගෙ, රාජපක්ෂ පවුලෙ නම දාගෙන වැඩේ කරගන්න අය ඉන්නවා. අපේ කාලෙත් එහෙම අය හිටියා” යැයි ඒ මහතා පවසයි.