මෙරට ගෑස් හිඟයක් නොමැති බවට සම කැබිනට් ප්‍රකාශක අමාත්‍ය රමේෂ් පතිරණ මහතා ප්‍රකාශ කර සිටිනවා.
එක් ගෑස් සමාගමක් සිය බංකොලොත්භාවය ප්‍රකාශ කිරීම නිසා සමාජ කතිකාවතක් නිර්මාණය වී ඇති නමුත් රට තුල ප්‍රමාණවත් ගෑස් සංචිත ඇති බවයි ඔහු පවසන්නේ.
අමාත්‍යවරයා එසේ පැවසුවද, පසුගිය දින ගණන පුරාවටම දිවයිනේ විවිධ නගරවල ගෑස් කඩ අසල දිගු ගෑස් පොලම් දක්නට ලැබුණා. ලාෆ්ස් ගෑස් දැනට සති කිහිපයක සිට බෙදාහැරීම නැවතී ඇති බවත් ලිට්රෝ ගෑස් ලැබීමේ ප්‍රමාදයක් ද පවතින බවත් පාරිභෝගික ජනතාව ප්‍රකාශ කර සිටිනවා.
ගැස් සිලින්ඩර් රැගත් ලොරියක් එන බවට ලැබුණු ආරංචියත් සමග දින ගණනක් ගෑස් නොමැතිව සිටි විශාල කඩවත නගරයේ විශාල පිරිසක් අද පෙරවරුවේ සිටි දිගු පොලිම්වල සිටින අයුරු දැකගත හැකි වූයේ මේ අයුරින්.
