නව පාසල් වාරයේ පාසල් ළමයින්ට අවශ්ය පොත්පත්, සපත්තු, නිල ඇඳුම්වල මිල තුන් ගුණයකින් ඉහළ ගොස් තිබෙනවා.
එම ක්ෂේත්රයේ ව්යාපාරිකයන් පවසන්නේ මේ හේතුවෙන් දරා ගත නොහැකි මුදලකට පාසල් ළමුන්ගේ අභ්යාස පොත් සහ උපකරණවල මිල ඉහළ යනු ඇති බවයි.
මේ අනුව නව වසරේ අවශ්ය පොත් සහ උපකරණ ලැයිස්තුව රුපියල් 5000ක මුදලකට පසුගිය වසරේ ලබා ගත හැකි වුවත් මේ වසරේ එම මුදල රුපියල් 15000ක් ඉක්මවා ගොස් තිබෙනවා.
පසුගිය වසරේ රුපියල් 55කට පැවැති පිටු 80 කොටුරූල් හා තනිරූල් පොතක මිල මේ වසර වන විට රුපියල් 145ක් දක්වා මිල ඉහළ ගොස් ඇති බවයි වාර්තා වන්නේ.
රුපියල් 180ට තිබූ චිත්ර පොතක මිල රුපියල් 270ක් වන අතර පිටු 80ක CR පොතක් රුපියල් 160 සිට 320 දක්වා මිල වැඩි වී තිබෙනවා.
රුපියල් 10ට තිබූ මකන කැබැල්ල රුපියල් 40ක් වන අතර චිත්ර සඳහා භාවිතා කරන පැස්ටල් පෙට්ටියක මිල රුපියල් 70 සිට රුපියල් 195ක් දක්වා මිල ඉහළ ගොස් ඇති බවයි වාර්තා වන්නේ.
රුපියල් 10ක මුදලකට තිබූ පෑනක මිල රුපියල් 30 දක්වා ද A4 කොළයක මිල රුපියලේ සිට රුපියල් 10ක් දක්වා වැඩි වී තිබෙනවා.
පාසල් බෑගයක මිල රුපියල් 1000 සිට රුපියල් 3000 සීමාව ඉක්මවා ගොස් ඇති බවයි වාර්තා වන්නේ.
මේ අනුව අභ්යාස පොත්වල පිටු ප්රමාණය අනුව මිල රුපියල් 100ක වැඩි මුදලකින් ඉහළ ගොස් තිබෙනවා.
මේ අතර රුපියල් 1500කට තිබූ සපත්තු යුගලයක් අද වන විට රුපියල් 3000 ඉක්මවා ගොස් ඇති බවයි වාර්තා වන්නේ.