ප්රදේශ කිහිපයක සිදුවු රිය අනතුරුවලින් පාසල් සිසුවෙක් ඇතුළු තිදෙනෙක් ජීවිතක්ෂයට පත්ව තිබෙනවා.
පොලීසිය පැවසුවේ, ඊයේ (05) සවස් කාලයේ දී කහවත්ත පොලිස් වසමේ පැල්මඩුල්ල නෝනාගම ප්රධාන මාර්ගයේ කිලෝමීටර් 09 කණුව ආසන්නයේ දී සිදුවු රිය අනතුරකින් පාසල් සිසුවෙක් මිය ගිය බවයි.
කහවත්ත දෙස සිට මාදම්පේ දෙසට ධාවනය වූ යතුරුපැදිය මාර්ගයේ ලිස්සා ගොස් පෙරළී පසුපැදිකරු විසි වී ගොස් ප්රතිවිරුද්ධ දෙසින් පැමිණි වෑන් රථයට යට වීමෙන් මෙම අනතුර සිදුව තිබෙනවා.
අනතුරින් යතුරුපැදිකරු හා පසුපැදිකරු තුවාල ලබා කහවත්ත රෝහලට ඇතුළත් කිරීමෙන් අනතුරුව පසුපැදිකරු මිය ගොස් තිබෙන අතර එලෙස මියගොස් ඇත්තේ, අවුරුදු 16ක් වු යක්ගහඇල්ල, කහවත්ත ප්රදේශයේ පදිංචි පාසල් සිසුවෙක්.
අනතුර සම්බන්ධයෙන් වෑන් රථ රියදුරු අත්අඩංගුවට ගත් බව පොලිසිය පවසනවා.
මේ අතර කඩවත පිටත වටරවුම් මාර්ගයේ ගනේමුල්ල වටරවුම අසල දී ත්රීරෝද රථයක් පදික මාරුව මතින් ගමන් කළ පුද්ගලයෙකුගේ ගැටී මෙන් සිදුවු අනතුරෙන් තුවාල ලැබු පදිකයා රාගම රෝහලට ඇතුළත් කිරීමෙන් අනතුරුව ජීවිතක්ෂයට පත්ව තිබෙනවා.
එලෙස මියගොස් ඇත්තේ 69 හැවිරිදි කඩවත පදිංචිකරුවෙක් වන අතර අනතුර සම්බන්ධයෙන් ත්රීරෝද රථ රියදුරු අත්අඩංගුවට ගත් බව සඳහන්.
කන්තලේ කොට්ඨාසයේ ඊච්චලම්පත්තු පොලිස් වසමේ මාවඩිච්චේන ලංකා පටුන මාර්ගයේ මුට්ටිචේන ප්රදේශයේ දී සිදුවූ අනතුරකින් යතුරුපැදිකරු ඊච්චලම්පත්තුව රෝහලට ඇතුළත් කිරීමෙන් පසු මියගොස් තිබෙනවා.
මාවඩිච්චේන දෙස සිට ලංකා පටුන දෙසට ධාවනය වූ යතුරුපැදියක් පැදිකරුට පාලනය කර ගැනීමට නොහැකිව මාර්ගයේ පෙරළී කොන්ක්රීට් කණුවක ගැටී අනතුර සිදුව තිබුණා.
එලෙස මියගොස් ඇත්තේ, අවුරුදු 21 වු එම ප්රදේශයේ ම පදිංචි තරුණයෙක්.