25.2 C
Colombo
Tuesday, March 5, 2024

මීගොඩ පොලිස් මුරපොළේ නිලධාරීන් 5 දෙනෙකුට ස්ථාන මාරුවීම්

- Advertisement -

මීගොඩ ආර්ථික මධ්‍යස්ථානයේ ඊයේ (12) අලුයම සිදු වූ මංකොල්ලයක් සම්බන්ධයෙන් පොලිස් මුරපොළේ සේවයේ නිරතව සිටි ස්ථානාධිපතිවරයා ඇතුළු නිලධාරීන් පස්දෙනෙකු වහාම ක්‍රියාත්මක වන පරිදි ස්ථාන මාරුකිරීමට පියවර ගෙන තිබෙනවා.

මීගොඩ විශේෂිත ආර්ථික මධ්‍යස්ථානයට ඊයේ අලු‍යම කඩාවැදුණු පුද්ගලයන් දෙදෙනෙකු එහි වෙළඳසැලක මුදල් අයකැමි තරුණියට වෙඩි තබා මුදල් කොල්ල කා පලා ගොස් තිබුණා.

පොලිසිය සඳහන් කළේ මෙම වෙඩි වැදීමෙන් තුවාල ලැබූ 23 හැවිරිදි තරුණිය හෝමාගම මූලික රෝහලට ඇතුළත් කර ඇති අතර, ඇයගේ තත්වය බරපතල නොවන බවයි.

ආයුධ සන්නද්ධව වෙළඳසැලට පැමිණි කොල්ලකරුවන් අයකැමි තරුණිය බියගන්වා එහි උඩ ලාච්චුවේ තිබූ මුදල් කොල්ලකා තිබෙන අතර ඊට පහළින් අගුලු දමා තිබූ ලාච්චුවේ යතුර ඉල්ලා ඇති අතර, තරුණිය ඊට විරුද්ධ වී තිබෙනවා.

එහිදී කෝපයට පත් වු කොල්ලකරුවන් ඇයට වෙඩි තබා තිබෙන බවයි වාර්තාවන්නේ.

දැනට සිදුකර ඇති පරීක්ෂණවලට අනුව මෙම කොල්ලකරුවන්ට රැගෙන යා හැකිව ඇත්තේ රුපියල් 45,900 ක මුදලක් පමණක් බව සඳහන්.

කොල්ලකරුවන් වෙළඳසැලට පැමිණෙන ආකාරය සහ මුදල් කොල්ලකා තරුණියට වෙඩි තබා පලා යන ආකාරය CCTV කැමරාවලද සටහන් වී තිබෙනවා.

කොල්ලකෑමෙන් පසු ඔවුන් මීගොඩ ආර්ථික මධ්‍යස්ථානය අසළින් දිවෙන මාර්ගයේ දාම්පේ දෙසට පලාගොස් ඇති අතර, අදාළ ප්‍රදේශවල CCTV දර්ශන විශ්ලේෂණය කරමින් ඉදිරි විමර්ශන සිදුකරන බව උසස් පොලිස් නිලධාරියෙකු සඳහන් කළා.

මීගොඩ පොලිස් මුරපොලද පිහිටා ඇත්තේ කොල්ලකන ලද මෙම වෙළඳසැල ආසන්නයේයි.


RECENT ARTICLES - SINHALA

Breaking: ඉන්ධන මිල සංශෝධනය කෙරේ

ලංකා ඛනිජ තෙල් නීතිගත සංස්ථාව විසින් අද(04) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබෙනවා. ඒ අනුව ලංකා පෙට්‍රල් ඔක්ටේන් 95 ලීටරයක...

ගූගල් මැප් එක බලාගෙන අරලියගහ මන්දිරයට පැනලා

ගුගල් සිතියම උපයෝගී කරගෙන අරලියගහ මන්දිරයට තාප්පයෙන් පැන අනවසරයෙන් ඇතුළු වූ පුද්ගලයන් දෙදෙනෙකු අත්අඩංගුවට ගත් බව කොල්ලුපිටිය පොලිසිය පවසනවා. මෙලෙස අත්අඩංගුවට ගෙන ඇත්තේ මෘදුකාංග ඉංජිනේරුවරයෙකු...

ඊළඟ අවුරුද්දෙත් තියෙන්නේ මේ ආණ්ඩුවම තමයි – රනිල්

ලබන වසරේත් රටේ පවතින්නේ වත්මන් ආණ්ඩුවම බව ජනාධිපති රනිල් වික්‍රමසිංහ පවසනවා. ඔහු මෙම අදහස් පළ කළේ, ගම්පහ දිස්ත්‍රික්කයේ සංවර්ධන කටයුතු පිළිබද අද (04) ජනාධිපති...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...