සංක්රාන්ති ලිංගික (Transgender) ක්රීඩිකාවන් ජාත්යන්තර කාන්තා ක්රිකට් තරඟ සඳහා සහභාගී වීම වළක්වාළමින් තහනමක් පැනවීමට ජාත්යන්තර ක්රිකට් කවුන්සිලය පියවර ගෙන තිබෙනවා.
එම ආයතනය පෙන්වා දෙන්නේ පිරිමි පුද්ගලයෙකු වශයෙන් වැඩි වියට පැමිණුනු සංක්රාන්ති ලිංගික පුද්ගලයන් මෙම තහනමට ඇතුළත් වන බවයි.
සංක්රාන්ති ලිංගික ක්රීඩිකාවන් කාන්ත ක්රිකට් තහනම් කිරීමේ මෙම තීරණය මාස 9ක් පුරාවට සිදු කරන ලද විද්යාත්මක පර්යේෂණ ක්රියාවලියකින් පසුව නිකුත් කරන ලද බව ජාත්යන්තර ක්රිකට් කවුන්සිලය පෙන්වා දෙනවා.
ජාත්යන්තර ක්රිකට් කවුන්සිලය අවධාරණය කර ඇත්තේ කාන්තා ක්රිකට් ක්රීඩාවේ සාධාරණත්වය මෙන්ම ක්රීඩිකාවන්ගේ ආරක්ෂාව පිළිබඳව සැලකිලිමත් වීමේ අරමුණින් මෙම තීරණයට එළඹ ඇති බවයි.
ක්රීඩාවේ සාධාරණත්වය මෙන්ම ක්රීඩකයින්ගේ ආරක්ෂාව වැනි හේතු සලකා බලමින් රග්බි, පිහිනුම්, පාපැදි මෙන්ම මලල ක්රීඩා සඳහා අදාළ වන ක්රීඩා සංගම්ද සංක්රාන්ති ලිංගික පුද්ගලයින් සඳහා පසුගිය වසර කිහිපය තුළ මෙවැනි තහනමක් පනවා තිබුණා.
2020 දී කැනඩාවට සංක්රමණය වීමට පෙර ඕස්ට්රේලියාවේ උපත ලැබූ McGahey, 2020 නොවැම්බර් මාසයේදී කාන්තාවක් ලෙස සමාජීයව සංක්රමණය වීමෙන් අනතුරුව 2021 මැයි මාසයේදී වෛද්යමය වශයෙන් කාන්තාවක් ලෙස සංක්රමණය වීම අරභා තිබුණා.
29 හැවිරිදි ඇය සැප්තැම්බර් මාසයේදී බ්රසීලයට එරෙහිව විස්සයි 20 ජාත්යන්තර තරඟයකට සහභාගී වී තිබෙනවා.
කෙසේ වෙතත්, ICC හි නව රෙගුලාසි යටතේ ඇයට තවදුරටත් ජාත්යන්තර කාන්තා ක්රිකට් තරඟ සඳහා තරඟ කිරීමට නොහැකි වනු ඇති බවයි වාර්තා වෙන්නේ.