විශේෂඥ පුහුණු සැසියක් සඳහා දකුණු කොරියාවට ගිය ශ්‍රී ලංකා ජාතික මට්ටමේ දුනු විදීමේ ක්‍රීඩකයන් දෙදෙනකු එරටදී අතුරුදන්ව තිබෙන බවට වාර්තා වෙනවා.
ශ්‍රී ලංකා දුනු විදීමේ සංගමය (SLAA) ක්‍රීඩා අමාත්‍යාංශයේ අනුමැතිය සහිතව ක්‍රීඩකයින් පස් දෙනෙකුගෙන් යුත් කණ්ඩායමක් සහ පුහුණුකරුවෙකු මෙම පුහුණු සැසිය සඳහා යවා තිබුණා
කෙසේ වෙතත්, ක්‍රීඩකයින් දෙදෙනෙකු දකුණු කොරියානු ගුවන් තොටුපළට ගොඩබැස විගසම කණ්ඩායම් කළමනාකාරීත්වයට හෝ අනෙකුත් ක්‍රීඩකයින්ට නොදන්වා අතුරුදන් වී ඇති බවයි වාර්තා වන්නේ.
මෙම ක්‍රීඩකයන් දෙදෙනා යුද හමුදාවේ හා නාවික හමුදාවේ ක්‍රීඩකයන් දෙදෙනෙකු බව සඳහන්.
ඒ අනුව අගෝස්තු 21 – 25 දක්වා කොරියාවේ පැවති ඉහත පුහුණු සැසියට සහභාගී වී ඇත්තේ ක්‍රීඩයකයන් තිදෙනෙකු හා පුහුණුකරු පමණි.
මේ සම්බන්ධයෙන් අදහස් දක්වමින් ශ්‍රී ලංකා දුනු විදීමේ සංගමයේ සභාපති රොෂාන් කඩන්තච්චි මහතා මෙම සිදුවිම සනාථ කර තිබෙන අතර සිදුවීම සම්බන්ධයෙන් කණ්ඩායම් කළමනාකරුගෙන් ලද වාර්තාව අනුව මේ සම්බන්ධයෙන් ක්‍රීඩා සංවර්ධන දෙපාර්තමේන්තුවේ අධ්‍යක්ෂකවරයා මෙන්ම ශ්‍රී ලංකා යුද හමුදාව සහ ශ්‍රී ලංකා නාවික හමුදා ක්‍රීඩා බලධාරීන්ව දැනුවත් කර ඇති බවද ඔහු පවසා තිබෙනවා.
