2024 ජනවාරි මාසයේදී ශ්‍රී ලංකාවේ පැවැත්වීමට නියමිතව තිබූ 19 න් පහළ ලෝක කුසලාන ක්‍රිකට් තරගාවලිය දකුණු අප්‍රිකාවේ පැවැත්වීමට ජාත්‍යන්තර ක්‍රිකට් කවුන්සිලය විසින් තීරණය කර ඇති බව ජාත්‍යන්තර ක්‍රිකට් වෙබ් අඩවියක් වන CricBuzz වාර්තා කරනවා.
එම වෙබ් අඩවිය තවදුරටත් සඳහන් කර ඇත්තේ ශ්‍රී ලංකා ක්‍රිකට් ආයතනයේ පවතින පරිපාලනමය අවිනිශ්චිතතාවය සැලකිල්ලට ගනිමින් ICC මණ්ඩලය විසින් මෙම තීරණය ගෙන ඇති බවයි.
මේ වනවිට අහමදාබාද් හිදී පැවැත්වෙන ජාත්‍යන්තර ක්‍රිකට් කවුන්සිලයේ හමුවේදී මෙම තීරණය ගෙන ඇති බවයි වාර්තා වන්නේ.
