විශ්වවිද්යාල අනධ්යයන සේවකයින්ගේ ඉල්ලීම් සඳහා විසඳුම් ලබාදීමට පත් කළ කැබිනට් අනු කමිටුව අද (08) රැස් වීමට නියමිතයි.
විශ්වවිද්යාල ප්රතිපාදන කොමිෂන් සභාව සඳහන් කළේ එහිදී ගන්නා නිර්දේශ එළඹෙන සඳුදා (13) දිනයේ රැස්වෙන කැබිනට් මණ්ඩලයට ඉදිරිපත් කිරීමට නියමිත බවයි.
ඒ අනුව ඔවුන්ගේ මාසික හිලව් දීමනාව සහ 2016 වසරේ සිට පවතින වැටුප් විෂමතාව සම්බන්ධයෙන් වන යෝජනා කැබිනට් මණ්ඩලය වෙත ඉදිරිපත් කරන බව අධ්යාපන අමාත්ය සුසිල් ප්රේමජයන්ත මහතා පවසා තිබෙනවා.
මේ අතර, වැටුප් කප්පාදුව ඇතුළු ඉල්ලීම් කිහිපයක් මුල් කර ගනිමින් විශ්වවිද්යාල අනධ්යයන සේවකයින් ආරම්භ කළ අඛණ්ඩ වැඩවර්ජනය අද 7 වැනි දිනටත් ක්රියාත්මකයි.
මේ හේතුවෙන්, සියලු විශ්වවිද්යාල හා උසස් අධ්යාපන ආයතන 17ක කටයුතු අඩාළ වී තිබෙනවා.
විශ්වවිද්යාල වෘත්තීය සමිති ඒකාබද්ධ කමිටුවේ සමසභාපති ධම්මික එස්. ප්රියන්ත මහතා සඳහන් කළේ, අද දිනයේ තම ඉල්ලීම් සම්බන්ධයෙන් නිසි විසඳුමක් නොලැබුණහොත් වැඩවර්ජනය තවත් දැඩි කරන බවයි.