පෙරටුගාමී සමාජවාදී පක්ෂයේ ප්‍රචාරක ලේකම් දුමින්ද නාගමුව ඇතුළු පුද්ගලයින් පස් දෙනෙක් අත්අඩංගුවට ගැනීමට කඩුවෙල මහේස්ත්‍රාත් අධිකරණය නියෝග කර තිබෙනවා.
ඒ කඩුවෙල අධිකරණ පරිශ්‍රය ඉදිරිපිට ඊයේ (09) පැවති උද්ඝෝෂණයක් අතරතුර අධිකරණයට අපහාස කිරීම, පොදු දේපළවලට හානි කිරීම සහ අයුතු ජන රාශියක සාමාජිකයින්වීම යන චෝදනා මතයි.
අන්තර් විශ්ව විද්‍යාල ශිෂ්‍ය බල මණ්ඩලය හා නිදහස් අධ්‍යාපනය උදෙසා සිසු ජන ව්‍යාපාරය ඊයේ (09) කඩුවෙල අධිකරණය ඉදිරිපිට මෙම විරෝධතාවය සංවිධානය කර තිබුණා.
කොතලාවල පනතට එරෙහි උද්ඝෝෂණයකදී අත්අඩංගුවට ගෙන රක්ෂිත බන්ධනාගාර ගත කර සිටින ශිෂ්‍ය නායකයින් වහාම නිදහස් කරන ලෙස ඉල්ලමින් මෙම විරෝධතාවය පැවැත්වුණා.
