ඇෆ්ගනිස්තානය තුළ අන්තවාදී ඉස්ලාමීය සංවිධාන තුනක් එක්ව කටයුතු කිරීමේ අවදානමක් මතුව ඇතැයි ආරක්ෂක විශ්ලේෂකයන් පිරිසක් අනතුරු අගවා තිබේ.
මේ වනවිට ඇෆ්ගනිස්තානය තුළ තලේබාන්, අල්කයිඩා සහ ISKP යන අන්තවාදී ඉස්ලාමීය සංවිධාන තුනක් ප්රධාන වශයෙන් ක්රියාත්මක වේ.
ෆොරින් පොලිසි සඟරාවේ සදහන් වාර්තාවකට අනුව ISKP සහ තලේබාන් යන සංවිධාන රට තුළදී සතුරන් ලෙස කටයුතු කළත් ඔවුන් අතර යම් යම් සබදතා ද පවතී.
ISKP සංවිධානයේ ආරම්භක නායක හෆීස් සහීඩ් ඛාන් ප්රසිද්ධ පකිස්තාන තලේබාන් නායකයකු බව ද එම ලිපියේ දැක්වේ.
මේ අතර අල්කයිඩා සංවිධානය මේ වන විටත් තලේබාන් සංවිධානය සමග ඉතා සමීපව කටයුතු කරනු ලබයි.
විශේෂයෙන් දරුණු ත්රස්තවාදී සංවිධානයක් ලෙස සැලකෙන හක්කානි ජාලය හරහා මෙම සංවිධාන ඒකාබද්ධව කටයුතු කිරීමේ අවදානමක් ඇති බව විශේෂඥ මතය වී තිබේ.
මෙම විශේෂඥයන් වැඩිදුරටත් පෙන්වා දී ඇත්තේ යම් යම් වෙනස්කම් පැවතියද තීරණාත්මක අවස්ථාවකදී බටහිර රටවලට එරෙහිව එක්ව කටයුතු කිරීම සදහා මෙම සියලු ත්රස්තවාදී සංවිධාන එක්වීමේ අවදානමක් පවතින බැවින් සමස්ත ලෝකයම ඒ සම්බන්ධයෙන් අවධානයෙන් පසු විය යුතු බවයි.