ශ්රී ලංකා නිදහස් පක්ෂයේ නීත්යානුකූල නොවන දේශපාලන මණ්ඩල රැස්වීමක් අද (20) පවත්වා ඇති බවට එම පක්ෂයේ ජාතික සංවිධායක දුමින්ද දිසානායක චෝදනා කරනවා.
හිටපු ජනාධිපති මෛත්රීපාල සිරිසේනට පක්ෂ සභාපති ධුරයේ කටයුතු කිරීම වළක්වාලමින් කොළඹ දිසා අධිකරණය වාරණ නියෝගයක් නිකුත් කර ඇති පසුබිමකයි මෙම රැස්වීම කැඳවා තිබුණේ.
දුමින්ද දිසානායක වැඩිදුරටත් ප්රකාශ කළේ, අදාළ දේශපාලන මණ්ඩල රැස්වීම එම පක්ෂයේ ලේකම් දුෂ්මන්ත මිත්රපාලගේ ප්රධානත්වයෙන් පවත්වා ඇති බවටයි.
එහිදී අදහස් දැක්වූ ප්රවාහන රාජ්ය අමාත්ය ලසන්ත අලගියවන්න මහතා,
“එක්සත් ජාතික පක්ෂයට ගියා, විවිධ දේශපාලන පක්ෂවලට ගියා කියලා කියන සියලුම අය එහෙම කරපු අය තමයි. මේ අපි පැයකටවත් විනාඩියකටවත් ශ්රී ලංකා නිදහස් පක්ෂය හැර දාලා නොගිය අය”
රැස්වීම පැවැත්වූ බව කියන කොළඹ හෝටල් පරිශ්රයකට ඒ පිළිබඳ සොයා බැලීමට පාර්ලිමේන්තු මන්ත්රී දුමින්ද දිසානායක සමග රාජ්ය අමාත්ය ලසන්ත අලගියවන්න ද එක්ව සිටියා.