රට වෙනුවෙන් ඕනෑම අයෙකු සමඟ එකතු වීමට මෙන්ම වෙන් වීමටත් කැමති බව ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ මහතා පවසනවා.
එළඹෙන ජනාධිපතිවරණයේදී රනිල් වික්‍රමසිංහ මහතා පොදු ජන පෙරමුණේ අපේක්ෂක වශයෙන් ඉදිරිපත් වන්නේද යන්න සම්බන්ධයෙන් මාධ්‍යවේදියෙකු විමසූ අවස්ථාවේදී බැසිල් රාජපක්ෂ මහතා මේ බව පවසා සිටියා.
ඔහු මේ බව සඳහන් කළේ අද(10) පෙරවරුවේ පැවති ශ්‍රී ලංකා පොදුජන පෙරමුණේ ජාතික මැතිවරණ මෙහෙයුම් කාර්යාලය විවෘත කිරීමේ උත්සවයට එක්වෙමින්.
ජූනි 18 වන දින වන විට ජනාධිපති රනිල් වික්‍රමසිංහ මහතා පොදු ජන පෙරමුණ සම්බන්ධයෙන් සිය ස්ථාවරය ප්‍රකාශයට පත් කිරීමට නියමිත බවද බැසිල් රාජපක්ෂ මහතා මෙහිදී සඳහන් කළා.
කෙසේවෙතත්, බැසිල් රාජපක්ෂ මහතා මෙහිදී වැඩිදුරටත් සඳහන් කළේ ඉතා ඉක්මනින් පොදු ජන පෙරමුණේ අපේක්ෂකයා නම් කෙරෙනු ඇති බවයි.
