මෙරට කොරෝනා තත්වය ඉතාමත් බරපතල තත්වයකට පත්වෙමින් පවතින බව රජයේ හෙද නිලධාරීන්ගේ සංගමයේ සභාපති සමන් රත්නප්රිය මහතා පවසනවා.
රෝහල්වල රෝගීන් 30000ක් පමණ ප්රතිකාර ලබන බවත්, මෙය සෞඛ්ය පද්ධතියට දරාගත නොහැකි බවත් ඒ මහතා පවසනවා.
එසේ වුවත් සෞඛ්ය කාර්ය මණ්ඩලය රාජකාරි ඉටුකරන්නේ අවශ්ය පහසුකම් නොමැතිව බවයි ඒ මහතා පෙන්වා දෙන්නේ. කෙසේ වෙතත් තම රාජකාරි හැඳනුම්පත ඇඳිරිනීති බලපත්රයක් ලෙස භාවිතා කිරීමට ඇති හැකියාව ඉවත් කිරීමත් සමඟ සෞඛ්ය සේවකයින් දැඩි අපහසුතාවයකට පත්ව ඇති බවත් රජය හමුදා මානසිකත්වයක් මත සිට කටයුතු කරන බවත් ඒ මහතා පෙන්වා දෙනවා.
සෞඛ්ය කාර්ය මණ්ඩලයේ ආත්ම ගරුත්වය බිංදුවට දමමින් ප්රමාද කරමින් පෝලිම්වල තබමින් ප්රශ්න කිරීම් සිදු කරන බවත් තත්වය මෙසේ පැවතියහොත් ආණ්ඩුවට රෝගීන් බලාගැනීමට ඉඩ තබා සෞඛ්ය සේවකයින් සේවයෙන් ඉවත් වීමට සූදානම් බවත් සමන් රත්නප්රිය මහතා පවසනවා.
