මෙරට ක්‍රිකට් ක්‍රීඩාවට එල්ල වී ඇති බවට පැවසෙන දේශපාලන බලපෑම් පිළිබඳව සොයා බැලීම සඳහා අන්තර් ජාතික ක්‍රිකට් සභාවේ නියෝජිතයින් පිරිසක් එළඹෙන සතියේ ශ්‍රී ලංකාවට පැමිණීමට නියමිතව තිබෙනවා.
ශ්‍රී ලංකා ක්‍රිකට් ආරංචි මාර්ග පෙන්වා දෙන්නේ මෙම නියෝජිතයින් පිරිස මේ මස 09 වනදා ශ්‍රී ලංකාවට ළඟා වෙනු ඇති බවයි.
එහිදී ඔවුන් ශ්‍රී ලංකා ක්‍රිකට් ආයතනයේ නිලධාරීන්, ක්‍රීඩා අමාත්‍යවරයා සහ ක්‍රීඩා අමාත්‍යාංශයේ නිලධාරීන් හමුවීමට නියමිතයි.
