රුසියානු හා බෙලරුසියානු ක්රීඩක ක්රීඩිකාවන්ට මේ වසරේ විම්බල්ඩන් තරගාවලියට එක් වීමට අවසර ලබා දී තිබෙනවා.
ඒ All England Club විසින් පසුගිය වසරේ පනවා තිබූ තහනම ඉවත් කිරීමත් සමගයි.
“මධ්යස්ථ ක්රීඩක ක්රීඩිකාවන් ලෙස තරඟ කිරීමට යටත්ව” සහ යම් යම් කොන්දේසි වලට අනුකූලව ක්රීඩකයින්ට මෙම වසරේ ක්රීඩා කිරීමට හැකිවන බව ක්රීඩා සමාජය නිවේදනය කළා.
රුසියාව විසින් යුක්රේනය ආක්රමණය කිරීම සහ බෙලරුසියාව ලබා දුන් සහයෝගයට ප්රතිචාර වශයෙන් එම රටවල ක්රීඩක ක්රීඩිකාවන්ට All England Club විසින් තහනමක් පනවනු ලැබුවා.
ක්රීඩක ක්රීඩිකාවන් අනුකූල විය යුතු කොන්දේසි වනුයේ
- රුසියානු සහ/හෝ බෙලාරුසියානු රාජ්යයන්ට හෝ ඔවුන්ගේ පාලන තන්ත්රයන්ට සහ නායකයින්ට සහාය නොදීමට එකඟ වීම
- රුසියානු සහ/හෝ බෙලාරුසියානු රජයන්ගෙන් අරමුදල් ලබා නොගැනීම, ඔවුන් විසින් ක්රියාත්මක කරන හෝ පාලනය කරන සමාගම්වල අනුග්රහයන් ලබා නොගැනීම
විම්බල්ඩන් තරගාවලිය ජුලි මස 3 වැනිදා ආරම්භ වනවා.
All England Club ගත් නව තීරණයත් සමග පිරිමි සහ කාන්තා ශ්රේණිගත කිරීම්හි පළමු 10 දෙනා අතර සිටින Daniil Medvedev, Andrey Rublev සහ Daria Kasatkina යන රුසියානුවන්ට මෙන්ම මේ වසර මුලදී ඔස්ට්රේලියානු විවෘත ටෙනිස් ශූරතාව දිනූ ලෝක ශ්රේණිගත කිරීම් හි දෙවැනි ස්ථානයේ පසුවන බෙලරුසියානු ක්රීඩිකා අරීනා සබලෙන්කා ටද ලබන ගිම්හානයේදී තරග වැදීමට ඉඩ ලැබෙනු ඇති.
මේ අතර යුක්රේන විදේශ ඇමති Dmytro Kuleba විම්බල්ඩන් තරඟාවලියේ තීරණය “අශීලාචාර” බවට වර නැගූ අතර රුසියානු සහ බෙලාරුසියානු ක්රීඩකයින් සඳහා වීසා ලබා දීම ප්රතික්ෂේප කරන ලෙස එක්සත් රාජධානියේ රජයෙන් ඉල්ලා සිටියා.