වතු කම්කරුවෙකු ලෙස සේවය කරන රත්නපුර දිස්ත්‍රික්කයේ, දුම්බර වත්තේ පදිංචි කාන්තාවකට සාහසික ලෙස පහර දී ඇති බව කඳුකර ජනතා ඉඩම් අයිතිය සඳහා ව්‍යාපාරය පවසනවා.
එම සංවිධානය පවසන්නේ සේවයට වාර්තා නොකිරීම හේතුවෙන් ඊයේ (09) දිනයේ වතු මුරකරු සහ වතු පාලකයන් මෙම කාන්තාවගේ නිවසට ඇතුළු වී ඇයට පරුෂ වචනයෙන් බැන වැදී පහර දී ඇති බවයි.
මෙම පහර දීම තරයේ හෙළා දකින බවත් වතු කළමණාකාරීත්වය විසින් එල්ල කළ මෙම පහර දීම වතු කම්කරුවන්ට දිගින් දිගටම එල්ල වන හිංසනයන් සහ ඔවුන්ට එල්ල වන අසාධාරණ සැලකීමේ පිළිඹිබුවක් බවද කඳුකර ජනතා ඉඩම් අයිතිය සඳහා ව්‍යාපාරය අවධාරණය කරනවා.
එමෙන්ම, මෙම නින්දිත පහර දීමට වගකිව යුතු සියලු දෙනා සම්බන්ධයෙන් කඩිනමින් නීතිය ක්‍රියාත්මක කර වින්දිත පාර්ශවයට යුක්තිය ඉටු කරන ලෙස එම සංවිධානය බලධාරීන්ගෙන් ඉල්ලා සිටිනවා.
මේ සම්බන්ධයෙන් කඳුකර ජනතා ඉඩම් අයිතිය සඳහා ව්‍යාපාරය නිකුත් කළ නිවේදනය පහතින්,
