ටැන්සානියාවේ ගංවතුර හේතුවෙන් පුද්ගලයින් 155 දෙනෙකු මියගොස් තිබෙනවා.
විදෙස් මාධ්‍ය වාර්තා කළේ, තවත් පුද්ගලයින් 236 දෙනෙකු තුවාල ලබා ඇති බවයි.
එරට බොහෝ ප්‍රදේශවල දින කිහිපයක සිට පවතින දැඩි සුළං, ගංවතුර හා නායයෑම් හේතුවෙන් පීඩාවට පත්ව ඇති පුද්ගලයින් ගණන ලක්ෂ 2කට අධිකයි.
විදෙස් මාධ්‍ය වාර්ත කළ ඇත්තේ, නිවාස 10,000කට වැඩි සංඛ්‍යාවකට ඉන් හානි සිදුවී ඇති බවයි.
මේ අතර, අසල්වැසි කෙන්යාවටද එම ගංවතුර තත්ත්වය බලපා තිබෙනවා.
විදෙස් මාධ්‍ය වාර්තා කළේ, කෙන්යාවේද 32 දෙනෙකු මිය ගොස් ඇති බවයි.
ගංවතුර හේතුවෙන් කෙන්යාවේ පීඩාවට පත්ව ඇති පුද්ගලයින් ගණන එක් ලක්ෂ තුන්දහස් පන්සියයකි.
