ශ්‍රී ලාංකිකයන් 48%ක් විටමින් ඩී ඌණතාවයෙන් පෙළෙන බව සෞඛ්‍ය ප්‍රවර්ධන කාර්යාංශය පෙන්වා දෙනවා.
දකුණු ආසියානු කලාපයේ සිදුකළ සමීක්ෂණයක් අනුව මේ බව හෙළි වූ බව කොළඹ දී පැවත්වූ ප්‍රවෘත්ති සාකච්ඡාවක දී ඔවුන් පවසා සිටියා.
පාසල් දරුවන් අතරත් ළඳරුවන් අතරත් මෙම තත්වය දක්වනට ඇති බව පවසන ළමා රෝග පිළිබඳ විශේෂඥ වෛද්‍ය රුවනි ලියනගේ වැඩිදුරටත් පවසන්නේ ගර්භණී සමයේ මවුවරුන්ට විටමින් ඩී ඌණතාවය පැවතීම මීට හේතුවන බවත් සොයාගෙන ඇති බවයි.
කොවිඩ් සමයේ නිවෙස් වල සිටීම හරහා සූර්‍යාට නිරාවරණය නොවීම හේතුවෙන් පාසල් දරුවන්ට මෙම උණතාවය ඇතිව ඇති බවත් ඇය පවසනවා.
එමෙන්ම, හිරු එළියට අමතරව රතු මස්, පීකුදු, බිත්තර කහමද, සාලයා, සූඩයා, හුරුල්ලා, බෝලයා වැනි තෙල් සහිත මසුන්ගෙන් විටමින් ඩී ලබාගත හැකි බවයි ප්‍රජා සෞඛ්‍ය විශේෂඥ වෛද්‍ය සුපුන් විජේසිංහ පවසන්නේ.
උදෑසන 10 සිට පස්වරු 3 දක්වා කාලය තුල දෛනිකව විනාඩි 15-30 අතර කාලයක් හිරු එලියට නිරාවරණය වීම අනුමත කරන බවත් ඔහු පවසනවා.
