කෙරවලපිටිය, මුතුරාජවෙල පිහිටි ගෑස් ගබඩා පර්යන්තයේ කටයුතු දින 5ක කාලයක් නවතා දැමීමට තීරණය කර තිබෙනවා.
ඒ අනුව අද (13) දිනයේ සිට එළඹෙන 17 වන දින දක්වා මෙලෙස ගබඩා පර්යන්තය වසා තැබෙන බවයි එම සමාගම සඳහන් කරන්නේ.
එම තත්ත්වය තුළ දිවයින පුරා බෙදාහැරීම් කටයුතු ද තාවකාලිකව නතර කෙරෙන බවත් සඳහන්.
අලුත් අවුරුදු නිවාඩුව හේතුවෙන් මෙලෙස ගබඩා පර්යන්තයේ කටයුතු නවතා දැමෙන බව එහි උසස් නිලධාරියෙකු සඳහන් කරනවා.
කෙසේවෙතත් දිවයින පුරා තවදුරටත් ගෑස් හිඟයක් පවතින බවයි පාරිභෝගිකයින් චෝදනා කරන්නේ.
මේ අතර, ඉන්ධන හා ගෑස් සැපයුම්වල හෝ බෙදා හැරීමේදී සිදුවන සියලු අක්රමිකතා පිලිබඳව දැනුම් දීමට නව දුරකථන අංකයක් හඳුන්වා දී තිබෙනවා.
ජනාධිපති ගෝඨාභය රාජපක්ෂගේ නිල ෆේස්බුක් පිටුවේ ඒ පිළිබඳව දක්වා ඇති අතර, ඒ අනුව, 0711 691 691 දුරකථන අංකය ඔස්සේ ගෑස් සහ ඉන්ධන සැපයුම් හෝ බෙදා හැරීමේ අක්රමිකතා පිළිබඳව සියලු පැමිණිලි ඉදිරිපත් කළ හැකියි.