26 C
Colombo
Tuesday, May 21, 2024

ජාතික ගීය අක්‍රමවත්ව ගායනා කළැයි උමාරාට වැඩවරදියි

- Advertisement -

ජාත්‍යන්තර තරඟාවලියකදී ශ්‍රී ලංකාව නියෝජනය කරමින් ආණ්ඩුක්‍රම ව්‍යවස්ථාවේ දක්වා ඇති ආකාරයට පටහැනිව ජාතික ගීය ගායනා කිරීම සම්බන්ධව නීතිමය පියවර ගන්නා බව ස්වදේශ කටයුතු අමාත්‍යංශය පවසනවා.

එම ආමාත්‍යංශය පෙන්වා දෙන්නේ ලංකා ප්‍රිමියර් ලීග් ක්‍රිකට් තරගාවලියේදී ගායන ශිල්පිනී උමාරියා සිංහවංශ විසින් ජාතික ගීය ගායනා කිරීමේදී කිසියම් අක්‍රමිකතාවයක් සිදුව ඇති බව මූලික විමර්ශනවලදී හෙළි වී ඇති බවයි.

ශ්‍රී ලංකා ජාතික ගීයෙහි පදමාලාවෙහි සඳහන් වන “…නමෝ නමෝ මාතා යන්න “..නමෝ නමෝ මහතා ” ලෙස ඇය විසින් ගායනය කර ඇති බවට සමාජමාධ්‍ය ඔස්සේ අදහස් ඉදිරිපත් වූ අතර ඒ සම්බන්ධයෙන් නිර්නාමිකව පැමිණිලි ඉදිරිපත් වූ බව ස්වදේශ කටයුතු අමාත්‍යංශය තවදුරටත් පවසනවා.

ඒ අනුව සිදු කළ විමර්ශනයට අදාළව යොමු කරන ලද තොරතුරු ඉල්ලීමකට අනුව රාජ්‍ය පරිපාලන ස්වදේශ කටයුතු, පළාත් සභා හා පළාත් පාලන අමාත්‍යාංශය නිකුත් කර ඇති ලිපියක මේ බව සඳහන්.

ස්වදේශ කටයුතු ආමාත්‍යාංශය පවසන්නේ උමාරියා සිංහවංශ විසින් ජාතික ගීය ගායනා කිරීමේදී ආණ්ඩුක්‍රම ව්‍යවස්ථාවේ දැක්වෙන ස්වර මාලාව අනුව මෙම ගායන සිදුකර නොමැති බව අනාවරණය වී ඇති බවයි.

මේ සම්බන්ධයෙන් සිදු කළ විමර්ශනයේදී උමාරියා සිංහවංශ මහත්මියගෙන්ද කරුණු විමසීමක් සිදු කර ඇති අතර එහිදී ඇය පවසා තිබුණේ, තමා විසින් F ස්වරයෙන් ජාතික ගීය  ගායනා කළ බවයි.

කෙසේවෙතත්, ආණ්ඩුක්‍රම වස්ථාවේ දක්වා ඇති ජාතික ගීය E (ග) ස්වර පරාසයෙන් දක්වා ඇති බවත් තමාගේ ගායනය ඊට වෙනස් ආකරයකින් ඉදිරිපත් වූ බවත් එහිදී ඇය පිළිගෙන තිබුණා.

එමෙන්ම, ජාතික ගීයේ එන මාතා යන්න ඇය විසින් මහතා ලෙස ගායනය කළේද යන්න සම්බන්ධයෙන් උමාරියා සිංහවංශ මහත්මිය පවසා ඇත්තේ තමා විසින් ‘මාතා’ යන්න ස්වර තුනකින් (මා තා) ගායනා කර ඇති අතර එය ශ්‍රාවකයින්ට මහතා ලෙස ශ්‍රවනය වී ඇති බවයි.

එය, අදාළ ක්‍රීඩාංගනයේ ශබ්ද පරිපාලනය එය පටිගත කිරීම රූපවාහිනිය ඔස්සේ මුදා හැරිමේදී (tv-out) නොමැති බැවින් තමාගේ හඬ පමණක් ඉස්මතු වීම නිසා සිදු වූ දෝෂයක් බවට ඇය විසින් කරුණු පැහැදිලි කිරීමක්ද ඉදිරිපත් කර තිබෙනවා.

කෙසේවෙතත්, ස්වදේශ කටයුතු අමාත්‍යංශය අවධාරණය කර ඇත්තේ ආණ්ඩුක්‍රම ව්‍යවස්ථාවෙහි ‘මාතා’ යන්න ස්වර 2ක් පමණක් සහිතව දක්වා ඇති බවයි.

ඒ අනුව, එකී ගායනය ආණ්ඩුක්‍රම ව්‍යවස්ථාවේ තුන්වන උපලේඛනයේ දක්වා ඇති ආකාරයට පටහැනි බව ස්වදේශ කටයුතු අමාත්‍යංශයේ නිරීක්ෂණයට ලක්ව තිබෙනවා.

එහිදී අනාවරණය වී ඇත්තේ, ගායිකාව හෝ සංවිධායක මණ්ඩලය ජාතික ගීය සඳහා නියමිත ප්‍රමිතියක් ඇති බව සැලකිල්ලට නොගෙන මෙම ඉදිරිපත් කිරීම සිදු කර ඇති බවයි.

ඒ අනුව, මෙම ගායනය සම්බන්ධයෙන් නීතිමය පියවර ගැනීමට මෙන්ම  ජාතික කොඩිය සඳහා රීති මාලාවක් සකස් කර ඇති පරිද්දෙන් ජාතික ගීය සම්බන්ධයෙන්ද රීති මාලාවක් හඳුන්වා දීම සඳහා පියවර ගන්නා බවට ස්වදේශ කටයුතු අමාත්‍යංශය නිර්දේශ ඉදිරිපත් කර තිබෙනවා.


RECENT ARTICLES - SINHALA

ඩයනට එරෙහිව තවත් නඩුවක්

අධිකරණයට අපහාස කළ බවට චෝදනා කරමින් හිටපු රාජ්‍ය ඇමතිනි ඩයනා ගමගේ මහත්මියට එරෙහිව ශ්‍රේෂ්ඨාධිකරණයට පෙත්සමක් ඉදිරිපත් කර තිබෙනවා. වැලිගම නගර සභාවේ හිටපු සභාපති රෙහාන් ජයවික්‍රම...

නිවාස වල උරුමකරුවන්ටත් ඔප්පු

අඩු ආදායම්ලාභී පවුල් 50,000කට හිමිකම් ඔප්පු ලබා දීමේ වැඩපිළිවෙල යටතේ නිවාස වල පූර්ණ අයිතිය පැවරීමේ දී මුල් ප්‍රතිලාභියා මරණයට පත්ව ඇත්නම් දැනට නිවසේ පදිංචි...

වෙඩි තැබීමකින් අයෙක් රෝහලේ

පදවිය ඕමාරකඩ ප්‍රදේශයේ දී සිදුවූ වෙඩි තැබීමකින් පාදයට බරපතල තුවාල සිදුවූ පුද්ගලයකු අනුරාධපුර ශික්‍ෂණ රෝහලට ඇතුලත් කර තිබෙනවා. මෙලෙස වෙඩි වැදීමෙන් තුවාල ලබා ඇත්තේ පදවිය,...

POPULAR ARTICLES

ඩයනා අතුරුදන්

ව්‍යාජ තොරතුරු ඉදිරිපත් කර, විදෙස් ගමන් බලපත්‍රයක් ලබා ගැනීම සම්බන්ධ නඩුවේ සැකකාරියක් වශයෙන් හිටපු රාජ්‍ය ඇමතිනී ඩයනා ගමගේ නම් කිරීමට කොළඹ ප්‍රධාන මහේස්ත්‍රාත් අධිකරණයෙන්...

ඉන්දියාවෙන් ලංකාවට එන අලුත්ම පෙට්‍රල් වර්ගය

Indian Oil සමාගම ඉතිහාසයේ පළමු වරට ඔක්ටේන් 100 සුපිරි වර්ගයේ පෙට්‍රල් තොගයක් ශ්‍රී ලංකාවට අපනයනය කර ඇති බවට වාර්තා වනවා. පසුගිය මැයි 18 වනදා මුම්බායේ...

ඩොලරයේ වෙනසක්

ශ්‍රී ලංකා මහ බැංකුව විසින් අද (20) නිකුත් කරන ලද මුදල් විනිමය අනුපාත වාර්තාවට අනුව පසුගිය සතියට සාපේක්ෂව අද දින ඩොලරයේ ගැනුම් සහ විකුණුම්...