කොවිඩ් ව්‍යාප්තිය හමුවේ විදෙස් නව සෞඛ්‍ය මාර්ගෝපදේශ මාලාවක් සෞඛ්‍ය සේවා අධ්‍යක්ෂක ජනරාල්වරයා විසින් නිකුත් කර තිබෙනවා.
මාලාව අනුව මෙරටට පැමිණෙන විදෙස් ගමන් බලපත්‍ර හිමියන් ඩොලර් 50,000ක රක්ෂණාවරණයක් ලබාගත යුතු වන අතර මෙරට සිටින කාලය තුළදී කොවිඩ් ආසාදනය වුවහොත් රෝහල්ගතවීමට දැරීමට සිදුවන වියදම් ඉන් ආවරණය විය යුතු බව එම මාර්ගෝපදේශයන්හි සඳහන් වේ.
එමෙන්ම මෙරටට පැමිණෙන ශ්‍රී ලාංකිකයන්ට නිරෝධායනය වීමකට බඳුන් වීමට අවශ්‍ය වුවහොත් නිවෙස් නිරෝධායනයට ඉඩ ලැබෙන අතර අවශ්‍ය නම් රජයේ කොව්ඩ් ප්‍රතිකාර මධ්‍යස්ථානයක හෝ හෝටලයක නිරෝධායනය වීමට අවසර ලැබෙනවා.
මෙම නව සෞඛ්‍ය මාර්ගෝපදේශ මාලාව අද මධ්‍යම රාත්‍රියේ සිට බලපැවැත්වේ
