ශ්‍රී ලංකාවේ බංකොලොත්භාවය සම්පූර්ණයෙන්ම අවසන් කිරීමටත් දෙමළ ඩයස්පෝරාවට හැකි බව යාපනය දිස්ත්‍රික් පාර්ලිමේන්තු මන්ත්‍රී සී.වී. විග්නේෂ්වරන් පවසනවා.
මාධ්‍ය වෙත අදහස් දක්වමින් ඔහු පවසා සිටියේ ශ්‍රී ලංකාවේ සම්පූර්ණ ණය ගෙවීමට සහ ඉදිරි සංවර්ධන කටයුතු සඳහා ඩොලර් බිලියන පනස් දෙකක මුදලක් ලබාදීම දෙමළ ඩයස්පෝරාවට සුළු දෙයක් බවයි.
නමුත් එසේ සහයෝගය දැක්වීමට නම් දෙමළ ජනතාවගේ ඉල්ලීම් ඉටු කළ යුතු බවද ඔවුන්ට සහන ලබාදිය යුතු බවද හෙතෙම සඳහන් කරනවා.
සර්වපාක්ෂික සමුළුවකදී සුළුතරය නියෝජනය කරන තමන්ගේ හඬ යටපත් වීමට ඉඩක් ඇති බැවින් ඊට සහභාගී වීමට බලාපොරොත්තුවක් නොමැති බවත් ඔහු වැඩිදුරටත් පවසා සිටියා.
