මධ්‍යධරණී මුහුදේ යාත්‍රා කරමින් තිබූ අනවසර සංක්‍රමණික යාත්‍රාවක් ගිලී යෑමෙන් සිදුවූ අනතුරකින් පුද්ගලයින් 60 දෙනෙක් මියගොස් ඇතැයි වාර්තා වනවා.
මෙලෙස අනතුරට ලක්ව ඇත්තේ, ලිබියාවේ සිට යුරෝපය බලා යාත්‍රා කරමින් සිටි අනවසර සරණාගතයින් රැගත් යාත්‍රාවක්.
විදෙස් මාධ්‍ය වාර්තා කරන්නේ, ඉතාලිය හෝ මෝල්ටාව බලා එම යාත්‍රාව ගමන් කරමින් පැවති බවයි.
අනතුරට ලක්වී සිටි පිරිසෙන් පුද්ගලයින් 25 දෙනෙක් මුදාගැනීමට හැකිවී තිබෙනවා.
ස්වේච්ඡා සහන සේවා කණ්ඩායම් මෙම මුදාගැනීමේ මෙහෙයුම සිදුකර තිබුණේ ඉතාලි වෙරළාරක්ෂක සේවායේ ද සහයෙන්.
මධ්‍යධරණී මුහුද සැලකෙන්නේ, අනවසර සංක්‍රමණිකයින් ගමන් කරන ලොව වඩාත් භයානකම මුහුදු මාර්ගය ලෙසයි.
මේ වසර තුළ මධ්‍යධරණී මුහුදේ සිදුවූ අනතුරුවලින් මියගොස් ඇති සංක්‍රමණිකයින් ගණන 226ක් වනවා.
