පොලිස් ඔම්බුඩ්ස්මන් (දුක්ගැනවිලි) අංශය භාරව කටයුතු කළ නියෝජ්ය පොලිස්පතිනි බිම්ෂානි ජාසිංහආරච්චිගේ වහාම ක්රියාත්මක වන පරිදි එම තනතුරෙන් ඉවත් කිරීමට පොලිස්පති සී.ඩී වික්රමරත්න උපදෙස් දී තිබෙනවා.
මෙම ස්ථාන මාරුවත් සමග ඇය යටතේ මෙම ඒකකයේ සේවය කළ නිලධාරීන්ට වෙනත් නියෝජ්ය පොලිස්පතිවරයෙකු වෙත වාර්තා කරන ලෙස දැනුම් දී ඇති බවයි වාර්තා වන්නේ.
මෙම ස්ථාන මාරුව පොලිසිය ප්රතිව්යුහගත කිරීමේ ක්රියාවලියේ එක් පියවරක් පමණක් බවත් අදාල නියෝජ්ය පොලිස්පතිවරිය නුදුරේදීම නව තනතුරක පිහිටවනු ඇති බවත් පොලිස් මාධ්ය ප්රකාශක නියෝජ්ය පොලිස්පති අජිත් රෝහණ පවසනවා.
බිම්ෂානි ජාසිංහආරච්චිගේ මෙරට පොලිස් ඉතිහාසයේ පළමු කාන්තා නියෝජ්ය පොලිස්පතිවරිය වනවා.
කෙසේ වෙතත් නියෝජ්ය පොලිස්පති වූ බිම්ෂානි ජාසිංආරච්චි ගේ තනතුර ලබා දීමට වැඩ බලන පොලිස්පතිවරයා නිර්දේශ කර ඇත්තේ මුදල් රෙගුලාසි උල්ලංඝණය කරමින් බවත්, ඉන් තමන්ට අගතියක් සිදු වූ බවත් කියමින් ජ්යෙෂ්ඨ පොලිස් අධිකාරී රුවන් ගුණසේකර, ජාලිය සේනාරත්න ඇතුළු පොලිස් අධිකාරී වරුන් 14 දෙනෙක් කෝටි 07ක වන්දියක් ඉල්ලා පොලිස්පතිවරයා වෙත එන්තරවාසියක් යැවීමට මීට පෙර කටයුතු කර තිබුණා.