පාර්ලිමේන්තු මන්ත්රී උද්දික ප්රේමරත්න මහතා ඉල්ලා අස්වීම නිසා පුරප්පාඩු වූ පාර්ලිමේන්තු මන්ත්රී ධුරය සඳහා එස්. සී. මුතුකුමාරණ මහතා පත් කිරීමට නියමිතව තිබෙනවා.
කතානායකවරයා වෙත ලිපියක් යොමුකරමින් අනුරාධපුර දිස්ත්රික් පාර්ලිමේන්තු මන්ත්රී උද්දික ප්රේමරත්න මහතා අද (27) සිය මන්ත්රී ධුරයෙන් ඉල්ලා අස්වුණා.
ඔහුගේ ඉල්ලා අස්වීම හේතුවෙන් පාර්ලිමේන්තු මන්ත්රී ධුරයක් පුරප්පාඩු වී ඇති බව පාර්ලිමේන්තු මහලේකම් නීතීඥ කුෂානි රෝහණධීර මහත්මිය විසින් මැතිවරණ කොමිෂන් සභාවට දැනුම් දී ඇති බවට වාර්තා වනවා.
1981 අංක එක දරණ පාර්ලිමේන්තු මැතිවරණ පනතේ 64(1) වගන්තිය ප්රකාරව පාර්ලිමේන්තු මහලේකම්වරිය විසින් අදාළ දැනුම්දීම සිදුකර තිබුණා.
ඒ අනුව හිටපු පාර්ලිමේන්තු මන්ත්රී උද්ධික ප්රේමරත්න මහතාගෙන් පසු එම ලැයිස්තුවේ 39895ක් මනාප ලබාගෙන ඇති එස්. සි. මුතුකුමාරණ මහතා පාර්ලිමේන්තුවට පත්වීමට නියමිතයි.
මැතිවරණ කොමිෂන් සභාව අනුමත කිරීමෙන් පසු එස්. සි. මුතුකුමාරණ මහතාගේ නම පාර්ලිමේන්තු මන්ත්රීවරයෙකු වශයෙන් ගැසට් කිරීමට කටයුතු කෙරෙනු ඇති.