නාඋලදී නිරායුද පුද්ගලයකු වෙඩි තබා ඝාතනය කිරීම සම්බන්ධයෙන් පොලිසියේ පිරිසකට එරෙහිව ඔහුගේ බිරිඳ පැවරූ මූලික අයිතිවාසිකම් පෙත්සමක් විභාගයට ගැනීමට ශ්‍රෙෂ්ඨාධිකරණය ඊයේ (23) තීන්දු කළා.
එසේම එම නඩුවේ පස්වැනි වගඋත්තරකරු ලෙස නාඋල පොලිසියේ ස්ථානාධිපතිවරයා නම් කර ඔහුට ද නොතීසි යවන ලෙස ශ්‍රේෂ්ඨාධිකරණය විසින් නියෝග කර තිබෙනවා.
මෙම මූලික අයිතිවාසිකම් පෙත්සම ඊයේ යසන්ත කෝදාගොඩ, ඒ එල් ශිරාන් ගුණරත්න සහ අචල වෙංගපපුලි යන විසිනුරු මඩුල්ල ඉදිරියේ විභාගයට ගෙන තිබුණා
වෙඩි වැදී මිය ගිය අලුත්ගෙදර තුෂාර චන්ද්‍රරත්නගේ බිරිඳ ගොනු කළ මූලික අයිතිවාසිකම් පෙත්සමේ වගඋත්තරකරුවන් ලෙස පොලිස් සැරයන් ජනක රුවන් අමරසිංහ, පොලිස් සැරයන් වීරකෝන් මුදියංසේලාගේ විජේතුංග, පොලිස්පති , නීතිපතිවරයා මෙන්ම පස්වැනි වගඋත්තරකරු ලෙස නාඋල පොලිස් ස්ථානාධිපති ප්‍රධාන පොලිස් පරීක්ෂක ආර් එස් එස් රාජනායක මහතා නම් කර තිබෙනවා.
ඒ අනුව ශ්‍රේෂ්ඨාධිකරණය තීන්දු කළේ සැප්තැම්බර් 05 වෙනිදා නඩුව විභාග කිරීමටයි.
නාඋල දී 2022 මාර්තු 03 වැනිදා ප්‍රධාන මාර්ගයකදී අලුත්ගෙදර තුෂාර චන්ද්‍රරත්න නම් පුද්ගලයාට ඇඳුම් ගලවන ලෙස කළ නියෝගයකට විරෝධය පල කිරීම හේතුවෙන් ඔහු වෙඩි තබා ඝාතනය කර තිබුණා.
ඊට අදාලව මුලින් මරණ පරීක්ෂණයේ සාක්කි කැඳවූ අවස්ථාවේදී සිද්ධිය යටපත් කරමින් පොලිස් නීති කොට්ඨාශයේ හිටපු අධ්‍යක්ෂ රුවන් ගුණසේකර මහතා සාක්කි මෙහෙයවීයැයි කියමින් මිය ගිය පුද්ගලයාගේ බිරිඳ අගවිනිසුරුට පැමිණිල්ලක්ද ගොනු කර තිබෙනවා.
පෙත්සම්කාරිය වෙනුවෙන් නීතිඥ මනුෂිකා කුරේ, මාදව ඊරියගම සමග නීතිඥ චාරක ධර්මරත්න මහතා පෙනී සිටි බව සඳහන්.
