රුපියල් 500 ක අල්ලස් මුදලක් ලබා ගත් පොලිස් සැරයන්වරයෙකුට වසර හතරක සිර දඬුවමක් නියම කර ඇති බවට පුවතක් වාර්තා වෙනවා.
අල්ලස් හෝ දූෂණ චෝදනා විමර්ශන කොමිෂන් සභාවට අනුව කොළඹ ප්රධාන මහේස්ත්රාත් අධිකරණය විසින් මෙම පොලිස් නිලධාරියාට දඬුවම් නියම කර තිබෙනවා.
රථවාහන වරදක් සම්බන්ධයෙන් නීතිමය ක්රියාමාර්ග ගැනීමෙන් වැළකී සිටීමට ත්රිරෝද රථ රියදුරෙකුගෙන් රුපියල් 500 ක් අල්ලස් මුදලක් ලබා ගැනීම සම්බන්ධයෙන් අදාළ දඬුවම නියම කර තිබුණා.
රථවාහන භාර නියෝජ්ය පොලිස්පතිවරයාගේ දැනුම්දීමකට අනුව මේ සම්බන්ධයෙන් විමර්ශනයක් ආරම්භ කෙරුණු අතර ඉන් අනතුරුව චෝදනා 4ක් යටතේ අදාළ සැරයන්වරයාට නඩු පවරා තිබෙනවා.
එම චෝදනා හතරටම පොලිස් සැරයන්වරයා වැරදිකරු වීමත් සමඟ ඔහුට වසර හතරක සිරදඬුවමක් නියම කළ අධිකරණය රුපියල් 20,000 ක දඩ මුදලක්ද ඔහුට නියම කර තිබෙනවා.