ඉන්දීය හිටපු අග්‍රාමාත්‍ය රජිව් ගාන්ධි ඝාතන චෝදනාවට වරදකරුවන් වූ ශ්‍රී ලාංකිකයින් තිදෙනා මෙරටට පිටුවහල් කර තිබෙනවා.
ඒ අනුව, ඔවුන් ඉන්දියාවේ චෙන්නායි නුවර සිට ශ්‍රී ලන්කන් ගුවන් සේවයේ යූ.එල්.- 122 දරන ගුවන් යානයෙන් කටුනායක ගුවන් තොටුපොළ වෙත අද දහවල් පැමිණ තිබෙනවා.
රජිව් ගාන්ධි ඝාතන චෝදනාවට වරදකරුවන් වී සිරදඬුවමට ලක්වූ 62 හැවිරිදි ශන්මුගලිංගම් ජයකුමාර , 53 හැවිරිදි වෙන්ට්‍රිවල් ශ්‍රී කරන් හෙවත් මුරුගන් සහ 53 හැවිරිදි බාලසුන්දරම් රොබට් මුරුගන් යන ශ්‍රී ලාංකිකයින් තිදෙනා 2022 වසරේ බන්ධනාගාරයෙන් නිදහස් වී තිබුණා.
පසුව තිරුචිහි විශේෂ කඳවුරක රඳවා සිටි ඔවුන් සිදුකළ ඉල්ලීමක් සලකා බැලීමෙන් පසු ඔවුන්ට මෙලෙස ශ්‍රී ලංකාවට පැමිණීමට අවසර ලබා දී තිබෙනවා.
