මාධ්‍ය වෙත අදහස් පලකිරීම සම්බන්ධයෙන් සෞඛ්‍ය අමාත්‍යාංශය විසින් නිකුත් කරන ලද චක්‍රලේඛය හරහා කොවිඩ් තත්ත්වය සම්බන්දව කිසිදු මාධ්‍ය වාරණයක් කිරීමේ අදහක් නොමැති බව ප්‍රාථමික සෞඛ්‍ය සේවා, වසංගත රෝග හා කොවිඩ් රෝග පාලන කටයුතු රාජ්‍ය අමාත්‍ය සුදර්ශනී ප්‍රනාන්දුපුල්ලෙ මහත්මිය පවසනවා.
මේ සම්බන්දයෙන් මාධ්‍යවේදිනියකගේ ප්‍රශ්නයකට පිළිතුරු දෙමින් ඇය කියා සිටියේ රටේ සැබෑ COVID තත්ත්වය සැඟවීමට ඔවුන්ට කිසිදු අවශ්‍යතාවයක් නොමැති බවයි.
කෙසේ වෙතත්, භූමියේ පවත්නා තත්ත්වය පිළිබඳව සාමාන්‍ය ජනතාව අතර ව්‍යාකූලත්වයක් ඇති නොකර සෞඛ්‍ය නිලධාරීන් වගකීමෙන් යුතුව ප්‍රකාශ කිරීමද වැදගත් බවයි ඇය මෙහිදී සඳහන් කළේ.
“අපි වසංගතයක් සමඟ කටයුතු කරනවා. COVID 19 ව්‍යාප්තිය සමඟ රට තුළ සිදුවෙමින් පවතින දේ පිළිබඳ යථාර්ථය සැඟවීමට අපට හැකියාවක් නැහැ. ඒත් ඇතැම් සෞඛ්‍ය නිලධාරීන්ගේ විවිධ ප්‍රකාශවලින් මිනිසුන් ව්‍යාකූල වෙනවා”
