අමෙරිකා එක්සත් ජනපදයේ සහාය ඇතිව මෙරට කිරි නිෂ්පාදනය නවීකරණය කිරීමේ වැඩසටහනක් ක්රියාත්මක කිරීම පිළිබඳව සාකච්ඡාවක් පවත්වා තිබෙනවා.
අමෙරිකා එක්සත් ජනපද කෘෂිකර්ම දෙපාර්තමේන්තුවේ වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් මහත්මිය සහ ජනාධිපති රනිල් වික්රමසිංහ මහතා අතර ඊයේ (26) සිදුවූ හමුවක් අතරතුර මේ පිළිබඳව සාකච්ඡා කර තිබුණා.
එහිදී ජනාධිපති රනිල් වික්රමසිංහ මහතා සඳහන් කර සිටියේ එම වැඩසටහන මඟින් දිවයින පුරා දැනට ක්රියාත්මක කිරි නිෂ්පාදනය ප්රචලිත කිරීමේ ව්යාපෘති තවදුරටත් දිරිමත් කරනු ඇති බවයි.
මීට අමතරව රජයේ කෘෂි නවීකරණ වැඩසටහන පිළිබඳවද ජනාධිපති රනිල් වික්රමසිංහ මහතා ඇලෙක්සිස් ටේලර් මහත්මියව දැනුවත් කර තිබෙනවා.
ශ්රී ලංකාවේ කෘෂි නවීකරණ වැඩසටහන වෙනුවෙන් සිය පූර්ණ සහාය ලබාදෙන බවට මෙහිදී උප ලේකම්වරිය ඇතුළු එක්සත් ජනපද නියෝජිත පිරිස ජනාධිපතිවරයා වෙත සහතික වී ඇති බවද වාර්තා වෙනවා.