වරාය නගර පනත හරහා නීති විරෝධී මුදල් ප්‍රවාහයන් සම්බන්ධ ගැටලු නිර්මාණය වන මූල්‍යමය කේන්ද්‍රස්ථානයක් ගොඩනැගී ඇතැයි ට්‍රාන්ස්පේරන්සි ශ්‍රී ලංකා ආයතනය චෝදනා කරයි.
සමාගම්වල සැබෑ හිමිකරුවන්ගේ තොරතුරු වල විනිවිදභාවය ඇති කිරීම හරහා නීති විරෝධී මුල්‍ය ප්‍රවාහයන් මැඩපැවැත්වීමට ලෝකයේ රටවල් එකට එක් වී දැඩි වෑයමකින් කටයුතු කරන කාල සීමාවක මෙය තනිකරම ශ්‍රී ලංකාව විරුද්ධ දිශාවට අඩියක් තැබීමක් යැයි ද එම ආයතනය නිවේදනයක් නිකුත් කරමින් පවසයි.
2021 ජූනි මස 24 වන දින පැවැත්වීමට නියමිත දුෂණයට එරෙහි එක්සත් ජාතීන්ගේ මහා සභාවේ විශේෂ සැසිය අරමුණු කර ගනිමින් ට්‍රාන්ස්පේරන්සි ඉන්ටනැෂනල් ආයතනය විසින්, දේශසීමා හරහා සිදුවන දුෂණයන්ට සහ අනෙකුත් අපරාධයන්ට පහසුකම් සලසන නිර්නාමික සමාගම් සහ අනෙකුත් නීතිමය වාහන භාවිතය නතර කරන මෙන් ඉල්ලා මහජන සුබසිද්ධිය උදෙසා පෙත්සමක් ඉදිරිපත් කරනු ලැබී යැයි ද එම නිවේදනයේ සඳහන් වේ.
සමාගම් වල සැබෑ හිමිකරුවන් පිළිබඳ අන්තර්ජාලීය පොදු ලේඛනයක් සැකසීම සඳහා දැඩි ප්‍රතිපත්තියක් ඇති කර ගැනීමට එක්සත් ජාතීන්ගේ සාමාජික රටවල් ඒ හරහා පොළඹවනු ලබන්නේ යැයි ද ට්‍රාන්ස්පේරන්සි ඉන්ටනැෂනල් ශ්‍රී ලංකා ආයතනය කියයි.
