සහල් මෙට්‍රික් ටොන් ලක්ෂයක් ආනයනය කිරීම සඳහා වෙළඳ අමාත්‍ය ආචාර්ය බන්දුල ගුණවර්ධන ඉදිරිපත් කරන ලද යෝජනාවට කැබිනට් අනුමැතිය හිමිවී තිබෙනවා.
වෙළෙඳ අමාත්‍යවරයා පවසන්නේ සහල් නිෂ්පාදකයන් සහ වෙළඳුන් ජනතාව පීඩනයට පත්වන ආකාරයට මිල ඉහළ දැමීමට කටයුතු කිරීම හේතුවෙන් මෙම යෝජනාව කැබිනට් මණ්ඩලයට ඉදිරිපත් කළ බවයි.
කෙසේ වෙතත් මීට පෙර රජය තීරණය කළේ දේශීය ගොවියා සහ සහල් නිෂ්පාදකයා ආරක්ෂා කිරීමේ අරමුණින් සහල් සහ අනෙකුත් ධාන්‍ය වර්ග ආනයනය තහනම් කිරීමටයි.
2020 ජූලි මාසයේ අනුරාධපුරයේ පැවති රැස්වීමකදී ජනාධිපතිවරයා ගොවීන්ගෙන් ඉල්ලා සිටියේ වැඩිපුර ධාන්‍ය වගා කරන ලෙසයි.
එමෙන්ම එහිදී ජනාධිපතිවරයා ගොවීන්ට පොරොන්දු වූයේ රටින් එක ධාන්‍ය ඇටයක් ආනයනය නොකරන බවයි.
