පාතාල ලෝකය හෙළිදරව් කරන ලන්දේසි ජාතික ගවේෂණාත්මක අපරාධ වාර්තාකරුවකු වන පීටර් ආර් ඩී ව්‍රෙයිස් ඇමැස්ටඩෑම් වීදියක දී වෙඩි තැබීමත් සමඟ ජීවිතයත් මරණයත් අතර සටන් කරමින් සිටින බව බලධාරීහු ප්‍රකාශ කර තිබේ.
වෙඩි තැබූ බවට සැක කරන පුද්ගලයා සහ තවත් පුද්ගලයින් දෙදෙනෙකු මාධ්‍යවේදියා ඝාතනය කිරීමට තැත් කිරීම සම්බන්ධයෙන් මේ වන විට අත් අඩංගුවට ගෙන තිබේ.
මාධ්‍යවේදී ව්‍රෙයිස් මේ වන විට දැඩි අසාධ්‍ය තත්ත්වයෙන් පසුවන බව ඇමැස්ටඩෑම් හි නගරාධිපතිවරයා තහවුරු කර ඇත.
“ඔහු අපිට ජාතික වීරයෙක්.ජීවිතය ද නොතකා යුක්තිය ඉල්ලා සිටි දුර්ලභ මාධ්‍යවේදියෙක්”යැ‍යි නගරාධිපතිවරයා ඔහුගේ තත්වය පැහැදිලි කරමින් පවසා තිබේ.
