මුලතිව් ගුවන් හමුදා කදවුරක බලහත්කාරයෙන් නිරෝධායනයට යොමුකර සිටින ලංකා ගුරු සංගමයේ ප්රධාන ලේකම් ජෝෂප් ස්ටාලින් ඇතුළු පිරිස ඊයේ (10) විරෝධතාවයක නිරත වුණා.
ඒ කොතලාවල ආරක්ෂක විශ්වවිද්යාල පනත් කෙටුම්පත ඉවත් කරගන්නා ලෙස රජයට බල කරමින්.
අදාළ විරෝධතා පුවරුවල දැක්වුණේ කොතලාවල පනත වහා ඉරා දමන ලෙසයි.
පසුව එම ස්ථානයේ සිටම ප්රවෘත්ති සාකච්ඡාවක් පවත්වමින් ඔවුන් සඳහන් කළේ තමන්ව අසාධාරණ ලෙස නිරෝධායන නීති උපයෝගි කරගනිමින් මෙලෙස සිරගත කර තැබූවද කොතලාවල පනතට එරෙහිව නගන විරෝධය අඛණ්ඩව ක්රියාත්මක කරන බවයි.
මෙහිදී ඒකාබද්ධ රැකියා විරහිත උපාධිධාරීන්ගේ සංගමයේ කැඳවුම්කරු තැන්නේ ඥාණානන්ද හිමියන්, ජාතික භික්ෂු පෙරමුණේ මාධ්ය ලේකම් පූජ්ය කොස්වත්තේ මහානාම හිමියන් හා ලංකා ගුරු සංගමයේ ප්රධාන ලේකම් ජෝෂප් ස්ටාලින් යන අය අදහස් දැක්වූවා.
ඊට අදාළ දර්ශන පහතින්,