නිරෝධායනයට ලක්කර සිටි ශ්‍රී ලංකා ජාතික ක්‍රිකට් කණ්ඩායමේ කිසිදු ක්‍රීඩකයෙක්ට කොවිඩ් 19 ආසාදිත වී නැතැයි PCR පරීක්ෂණයෙන් අනාවරණය වී තිබෙනවා.
ඒ අනුව ක්‍රීඩකයින්ට යළි පුහුණුවීම් ආරම්භ කිරීමට අවස්ථාව ලැබෙන ඇති.
කෙසේ වෙතත් කොවිඩ්19 ආසාදිත බව තහවුරු කර ගැණුනු ග්‍රාන්ට් ෆලවර්ගේ සහ GT නිරෝෂනගේ පළමු පෙළ ආශ්‍රිතයන් ලෙස සැලකෙන සෙසු පුහුණු කාර්ය මණ්ඩලයට ලබන බදාදා දක්වා තවදුරටත් නිරෝධායනය වීමට සිදුවනවා.
මෙම තත්ත්වය යටතේ ශ්‍රී ලංකා කණ්ඩායමේ ක්‍රීඩකයින් ලබන අඟහරුවාදා පමණ පිටියේ පුහුණුවීම් ආරම්භ කරනු ඇති බව කණ්ඩායම් ආරංචි මාර්ග පවසනවා.
ඒ අනුව ලබන 18 වනදා පළමු එක්දින තරගය ක්‍රීඩා කිරීමට හැකිවනු ඇතයි කණ්ඩායම් වෛද්‍යවරු විශ්වාසය පල කරනවා.
මේ අතර කොවිඩ් 19 ආසාදිත ෆලවර්ගේ සහ නිරෝෂනගේ තත්ත්වය ස්ථාවර බව වෛද්‍යවරු පවසා තිබෙනවා.
ඔවුන්ට එංගලන්ත සංචාරය අතරතුරදී වෛරසය ආසාදනය වන්නට ඇති බව සැලකෙනවා.
ශ්‍රී ලංකාව සමග තරඟ වැදුණු එංගලන්ත කණ්ඩායමේ 7 දෙනෙකුද කොවිඩ්19 ආසාදිත බව තරඟාවලියෙන් අනතුරුව හඳුනා ගැණුනා.
