කොළඹ 07 මැකැන්සි පාරේ පිහිටි වෙළඳ අමාත්‍ය නිල නිවස වහාම රාජ්‍ය පරිපාලන අමාත්‍යාංශට භාරදීමට වෙළඳ අමාත්‍ය බන්දුල ගුණවර්ධන මහතා කටයුතු කර තිබෙනවා.
ඒ හිටපු වෙළඳ අමාත්‍යවරයෙකු වූ රිෂාඩ් බද්යුදීන් මහතා විසින් මෙම නිල නිවස භාවිත කළ කාලයේදී එම නිවස තුළ බාලවයස්කාර දැරියන් අපයෝජනයට ලක්වූ බවට සැක කෙරෙන නිසා බවයි වෙළඳ අමාත්‍යාංශය සඳහන් කර සිටින්නේ.
එමෙන්ම, අදාල නිල නිවෙස අලුත්වැඩියා කිරීම වෙනුවෙන් යෝජිත රුපියල් මිලියන 21ක මහජන මුදල් ප්‍රමාණයද අනුමත නොකිරීමට අමාත්‍යවරයා විසින් තීරණය කර ඇති බවද අමාත්‍යංශය වැඩිදුරටත් පවසනවා.
පසුගිය වසරේ දෙසැම්බර් මස මෙම නිල නිවෙස වෙළඳ අමාත්‍ය බන්දුල ගුණවර්ධන මහතා වෙත ලබාදීමට රාජ්‍ය පරිපාලන අමාත්‍යාංශය කටයුතු කර තිබුණා.
