ජනගහනය වයස්ගත වීමත් සමඟඉහළ නිපුණතා සහිත වෘත්තිකයන් ඇතුළු මානව ප්රාග්ධනය රටෙන් ඉවතට ගලා යෑම ආර්ථිකය යථාතත්ත්වයට පත්වීමේ ක්රියාවලිය සඳහා පවතින ප්රධාන අවදානමක් බව මහ බැංකුව පෙන්වා දෙනවා.
නව මහ බැංකු පනත අනුව ප්රථම වරට ශ්රී ලංකා මහ බැංකුව විසින් නිකුත් කරන ලද ‘වාර්ෂික ආර්ථික විවරණය – 2023’ නම් වාර්තාවක මේ බව සඳහන්.
නව මහ බැංකු පනත අනුව ප්රථම වරට නිකුත් කළ 2023 වර්ෂයේ වාර්ෂික ආර්ථික විවරණය සහ මහ බැංකුවේ මූල්ය ප්රකාශ හා මෙහෙයුම් 2023 වාර්තාව පසුගියදා (25) ශ්රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා විසින් මුදල් ඇමතිවරයා වශයෙන් ජනාධිපති රනිල් වික්රමසිංහ මහතා වෙත පිළිගන්වනු ලැබුවා.
මේ වසරේ (2024) දී ආර්ථිකය 3% වර්ධනය වනු ඇති බවට එම වාර්තාව මගින් පුරෝකථනය කර තිබෙනවා.
එමෙන්ම, ආර්ථිකය යථාතත්ත්වයට පත්වීම ඉදිරි කාලපරිච්ඡේදය තුළ දී අඛණ්ඩව සිදුවනු ඇති බවද එහි වැඩිදුරටත් සඳහන්.