නල්ලතන්නිය ශ්රි පාද බෞද්ධ මධ්යස්ථානය යාබදව සංචාරක මණ්ඩලයේ අනුමැතිය සහිතව සංචාරක හෝටලයක මත්පැන් අලෙවිසැලක් විවෘත කිරිමට සුදානමක් ඇති බව නල්ලතන්නිය ප්රදේශවාසින් පවසනවා.
සංචාරක මණ්ඩලයේ අනුමැතිය ලත් එම හෝටලයේ අයිතිකරු විසින් සංචාරක මණ්ඩලයෙන් කරන ලද ඉල්ලිමක් මත එම මත්පැන් බලපත්රය ලබාදිමට ප්රථම ඒ සදහා ප්රදේශවාසින්ගේ විරෝධතා වෙතොත් ඒ පිළිබඳව නොර්වුඩ් ප්රාදේශිය ලේකම් කාර්යාලය වෙත දැනුම් දෙන ලෙස ප්රාදේශිය ලේකම් කාර්යාලය විසින් ප්රදේශවාසින්ට දැනුම් දිමක් කර තිබෙනවා.
එම හෝටලයට සංචාරක මණ්ඩලය විසින් විදේශිකයන්ට අලෙවි කිරීම සදහා බියර් බලපත්රයක්ද ලබා දී ඇති අතර , බලපත්රයේ සටහන් කොන්දේසි වලට පටහැනිව ශ්රි පාද වන්දනාකරුවන්ට විවිධ පුද්ගලයන් යොදාගෙන බියර් අලෙවි කිරීම හේතුවෙන් චෝදනා ලබා සිටිනවා.
එම චෝදනා මත නල්ලතන්නිය පොලිසිය සහ කොටගල සුරාබදු කාර්යාලය මඟින් එම හෝටලයේ සේවකයන්ට සහ බියර් අලෙවි කල පුද්ගලයන්ට එරෙහිව අධිකරණය හමුවේ නෛතික පියවර ගෙන ඇති බවද සඳහන්.
සංචාරක මණ්ඩලය විසින් එම හෝටලයට ලබා දි ඇති බියර් බලපත්රයට අනුව බියර් අලෙවි කුටිය හෝටලයේ භෝජනාගාරය තුළ වෙනම ස්ථාපනය කළ යුතුව තිබෙනවා.
කෙසේවෙතත්, ප්රදේශවාසීන් පෙන්වා දෙන්නේ එම හෝටල් හිමියා විසින් ඇතැම් රාජ්ය නිලධාරින්ගේ සහය සහ ආශිර්වාදය ඇතිව බියර් අලෙවි කුටිය හෝටලයේ පළමු මහලේ ස්ථාපනය කර ඇති අතර එම හෝටලයේ භෝජනාගාරය සිව්වෙනි මහලේ පිහිටා ඇති බවයි.
තවද. එම සංචාරක හෝටලයේ සිට නල්ලතන්නිය ශ්රී පාද බෞද්ධ මධ්යස්ථානය දක්වා මිටර් 100 ක දුර ප්රමාණයක්වත් නොමැති අතර රාජ්ය නිලධාරින් කිහිපදෙනෙකුගේ සහයෝගයෙන් නල්ලතන්නිය බෞද්ධ මධ්යස්ථානය අසල මත්පැන් අලෙවිසැලක් විවෘත කළහොත් එතුළින් ශ්රි පාදස්ථානයට විශාල හානියක් සිදු වන බවට ප්රදේශවාසීන් චෝදනා කරනවා.
ඔවුන් පවසන්නේ දැනට එම හෝටලය මගින් සංචාරකයන්ට අලෙවි කරන මුවාවෙන් දිනකට බියර් විශාල ප්රමාණයක් වන්දනාකරුවන්ට අලෙවි කරන බවයි.
ඒ අනුව, මෙම සංචාරක හෝටලයට මත්පැන් බලපත්රයක් සංචාරක මණ්ඩලය විසින් ලබාදුන්නහොත් නල්ලතන්නිය ප්රදේශවාසීන් සහ අවට වතුවල වතු කම්කරුවන් මත්පැන් පානයට ඇබ්බැහි වීමේ අවදානමක් පවතින බවද ප්රදේශවාසීන් පවසනවා.
නල්ලතන්නිය බෞද්ධ මධ්යස්ථානයට යාබදව අලුතින් මත්පැන් අලෙවිසැලක් විවෘත කිරිමට ශ්රී පාදස්ථානාධිපති හිමියන්ගේද විරෝධය මතු වී ඇති අතර නල්ලතන්නිය බෞද්ධ මධ්යස්ථානයේ සිට ශ්රි පාද උඩ මළුව දක්වා පුජා නගරයක් ලෙස ප්රකාශයට පත් කර තිබියදී එහි මත්පැන් අලෙවිසැලක් විවෘත කිරිම ශ්රි පාදස්ථානයට සිදු කරන දැඩි අගෞරවයක් බවද ඔවුන් සඳහන් කරනවා.
ඒ අනුව, මේ සම්බන්ධයෙන් නොර්වුඩ් ප්රාදේශිය ලේකම් කාර්යාලයේ උසස් නිලධාරියෙකුගෙන් කළ විමසුමකදී ඔහු පවසා ඇත්තේ එම මත්පැන් අලෙවිසැල විවෘත කිරිමට මහජන විරෝධයක් මතු වන්නේ නම් ඒ පිළිබඳව සංචාරක මණ්ඩලයට සහ සුරාබදු දෙපාර්තුමේන්තුව වෙත දැනුම් දිමට පියවර ගන්නා බවයි.
(හැටන්- රංජිත් රාජපක්ෂ)