‘වන අලි වන්දි ක්‍රමය’ යටතේ වන සතුන්ගෙන් සිදුවන හානි සඳහා ගෙවනු ලබන වන්දි මුදල දෙගුණ කිරීමට නියමිත බව වාර්තා වනවා.
ඒ ඊට අදාල යෝජනාව වනජීවී හා වනසංරක්ෂණ අමාත්‍ය සී.බී. රත්නායක මහතා විසින් කැබිනට් මණ්ඩලයට ඉදිරිපත් කරනු ඇති.
ඒ අනුව, මින් පෙර පැවති රුපියල ලක්ෂ 5ක් වන වන්දි මුදල රුපියල් ලක්ෂ 10ක් දක්වා ඉහළ දැමීමට නියමිත වනවා.
වනඅලියා, දිවියා, වලහා, කුළු හරකා හා කිඹුලා සින් පහරදීමෙන් සිදුවන මිනිස් මරණ සඳහා ස්ත්‍රී පුරුෂ භේදයකින් තොරව මෙම වන්දි මුදල ගෙවීමටයි යෝජනා වී ඇත්තේ.
එමෙන්ම, එම සතුන්ගෙන් සිදුවන ශාරීරික හානි වෙනුවෙන් පූර්ණ බෙලහීනතාවයකට ත්වන පුද්ගලයෙකු සඳහා උපරිම වන්දි මුදලද රුපියල් මිලියනක් දක්වා වැඩි කිරිමට ජෝජනා වී ඇති අතර මීට පෙර ගෙවූ වන්දි මුදල වන්නේ රුපියල් ලක්ෂ 5කි.
මීට අමතරව, අර්ධ බෙලහීනතාවයකදි ගෙවූ වන්දි මුදල වන රු. 75,000, රු. 150,000ක් දක්වාද, නිවාස හා දේපළ හානි සඳහා මින් පෙර ගෙවූ වන්දි මුදල වන රු. 100,000, රු. 200,000ක් දක්වාද දෙමාපියන් අහිමිවන දරුවෙකුට උසස් අධ්‍යාපපනය සඳහා මසකට රු 5000 බැගින් ද වන්දි ගෙවීමට යෝජිතය.
