සංකූලතා නොමැති, අවදානම් කාණ්ඩයට අයත් නොවන කොරෝනා ආසාදිතයින් නිවෙස් නිරෝධායනයට යොමුකරන බව රාජ්‍ය අමාත්‍ය මහාචාර්ය චන්න ජයසුමන මහතා පැවසනවා.
මෙම ක්‍රියාවලිය ලබන සඳුදා සිට ආරම්භ කරන බවත් බස්නාහිර පළාත තුළ දැනටමත් වෛද්‍ය අධීක්ෂණය යටතේ ආසාදිතයින් නිවෙස් නිරෝධායනයට යොමු කර ඇති බවත් ඔහු පවසා සිටිනවා.
වෛද්‍ය වෘත්තිකයින් දුරකතන ඔස්සේ රෝගීන් සමග සම්බන්ධ වෙමින් ඔවුන්ට අවශ්‍ය සහයෝගය ලබා දෙනු ඇති බවයි පැවසෙන්නේ.
මේ කරුණ සම්බන්ධයෙන් අදහස් දැක්වූ රාජ්‍ය අමාත්‍ය සුදර්ශනී ප්‍රනාන්දු පුල්ලේ මහත්මිය,
“අනිවාර්යෙන්ම සෞඛ්‍ය අමාත්‍යාංශය නියමු ව්‍යාපෘතියක් කළා කළුතර දිස්ත්‍රික්කයේ කොවිඩ් මර්දන කාර්ය සාධක බලතාය විසින්. අතිගරු ජනාධිපතිතුමා පැහැදිලිව සෞඛ්‍ය අමාත්‍යාංශයට උපදෙස් දුන්නා රෝගීන්ගේ වැඩිවීමක් තියෙන නිසා ඇතුල්වන රෝගින් ප්‍රමුඛතාගත කරන්න කියලා.
ඒ අනුව, වයස අඩු සංකූලතා නැති අවදානම් නොමැති කාණ්ඩය පුළුවන් තරම් ගෙවල්වලට කරලා කෝල් සෙන්ටර් එක හරහා මොනිටර් කරන්න කටයුතු කරන්නත් අවදානම් අය රෝහල්වලට ඇතුළත් කරන්නත් කියන උපදේශය ලබා දීලා තියෙනවා. මේ වනවිට සෞඛ්‍ය සේවා අධ්‍යක්ෂ ජනරාල්වරයා පළාත් සෞඛ්‍ය අධ්‍යක්ෂවරුන්ට ඒ උපදෙස් ලබා දීලා තියෙනවා.”
