ජාතික ආරක්ෂාව පෙන්වා බලයට පැමිණි වත්මන් රජය නිසා ජනතාවගේ සෞඛ්‍යාරක්ෂාව අහිමි වෙමින් ඇති බව සමගි ජන බලවේගයේ මාධ්‍ය ප්‍රකාශක, පාර්ලිමේන්තු මන්ත්‍රී මනුෂ නානායක්කාර මහතා පවසනවා.
ඒ, ඊයේ (25) දින මාධ්‍ය අමතමින්.
පොහොර සහ කෘෂි රසායන තහනම නිසා මෙරටට වසරකට ඩොලර් බිලියන2.5ක පමණ ආදායමක් අහිමි කර ගැනිමට හේතුව වශයෙන් රජය දැක්වූයේ රසායන ද්‍රව්‍ය වල විෂ අඩංගු වීම වූවද එසේ පොහොර ගෙන්වීම නතර කොට මෙරට කෘෂිකර්මය අඩාල කොට මේ වන විට පාකිස්ථානයෙන් හාල් ගෙන්වීම අරඹා ඇති බව ඔහු පෙන්වා දෙනවා.
කෙසේවෙතත්, නැවතත් මෙරටට කෘෂි රසායන නොගෙන්වන බවට ජනපතිවරයා සහ ඇමතිවරුන් පුනපුනා කී නමුත් කෘෂි රසායන වර්ග 35ක් ගෙන්වීම සඳහා මේ වන විට කැබිනට් මණ්ඩලයට යෝජනාවක් ඉදිරිපත් වි ඇති බව ඔහු පෙන්වා දෙනවා.
එමෙන්ම, රුපියල් බිලියන 12ක වාර්ෂික වටිනාකමකින් යුතු මෙම රසායන අතුරින් බිලියන 10ක්ම ආනයනය කිරීමටලබා දෙන්නේ එක් සමාගමකට බවත් සමාගම් 29ක් තිබියදී එක් සමාගමකට මෙසේ ලබා දෙන්නේ මින් පෙර අවස්ථාවන් වලදී මෙන් ගජමිතුරෙකුට කොරෝනාව ගරානාවක් කරගැනීමටදැයි විමසිය යුතු බවත් ඔහු පවසනවා.
ඒ අනුව, ලෝකයේ පළමු කාබනික රට ශ්‍රී ලංකාව වන බවට ජනාධිපතිවරයා කළ ප්‍රකාශය රිවර්ස් වී ඇති බවයි ඔහු පෙන්වා දෙන්නේ.
