ජංගම දුරකථනයෙන් අන්තර්ජාලය ඔස්සේ පරිගනක ක්‍රීඩාවකට යොමුවී සිටි සිසුවෙකු ඉන් මුදවා ගැනීම සඳහා ජංගම දුරකථනය මවගේ භාරයට පත් කරගැනීමට උරණ වූ 15 සිසුවෙකු නිවසේ බාල්කයක ගෙළ වැලලාගෙන මිය ගිය පුවතක් මාතර – රොටුඹ පොලිස් වසමෙන් වාර්තා වනවා.
මෙසේ ගෙළවැලලාගෙන මියගොස් ඇත්තේ පල්ලේකන්ද – රොටුඹ ප්‍රදේශයේ ජීවත්වූ මාතර මහින්ද රාජපක්ශ විද්‍යාලයේ 10 වසරේ ඉගනුම ලබන ජාසිං කන්දගේ සෙනුර ප්‍රමෝද්‍ය නිපුනගේ නමැති පහලොස් හැවිරිදි පාසල් සිසුවෙක්.
පාසලේ අධ්‍යයන කටයුතු සඳහා මෙම සිසුවා සහභාගී නොවන බවට ඉකුත් 23 වනදා අදාළ සිසුවාගේ දෙමව්පියන් හට පාසලේ ගුරුවරුන් දැනුවත් කර තිබෙනවා.
ඒ අනුව දෙමව්පියන් ඒ පිළිබඳ සියා බැලීමේදී දැනගෙන ඇත්තේ පාසලේ ඔන්ලයින් අධ්‍යාපන කටයුතු පසෙකලා ඔහු පරිගනක ක්‍රිඩාවකට යොමු වී ඇතිබවයි.
පසුව සෙනුරගේ මව විසින් ඔහුගේ ජංගම දුරකතනය සිය භාරයට ගෙන ඇති අතර ඊට උරණ වූ සෙනුර දෙමව්පියන් නිවසේ නොමැති අවස්ථාවක මුළුතැන්ගෙයි බාල්කයක පොරවනයක් ආධාරයෙන් ගෙළ වැලලාගෙන තිබෙනවා.
දරුවා ගෙළ වැළලාගෙන සිටි ආකාරය දුටු දෙමාපියන් ඔහුව මාවරල දිස්ත්‍රික් රෝහලට ඇතුළත් කළද ඒ වන විටත් ඔහු මියගොස් ඇති බවයි වාර්තා වන්නේ.
මෙම සිද්ධිය සම්බන්ධයෙන් රොටුඹ පොලීසිය පරීක්ෂණ පවත්වන අතර අද (26) දිනයේ ඔහුගේ දේහය මිහිදන් කිරීමට නියමිතයි.
