කොවිඩ් අරමුදල වෙනුවෙන් පරිත්‍යාග කිරීමටවත් තමන්හට වැටුපක් නොමැති බව ශ්‍රී ලංකා පොදුජන පෙරමුණු පාර්ලිමේන්තු මන්ත්‍රී එස්.බී.දිසානායක මහතා පවසනවා.
තමන්ගේ සම්පූර්ණ වැටුප ණය වාරිකයක් වෙනුවෙන් කපා හැරෙන බවත් තමන් ලක්ෂ 300ක් ණය බවත් තමන් ජීවත් වන්නේ බිරිඳගේ වැටුපෙන් බවත් ඔහු පවසනවා.
එමෙන්ම, තමන් සෑමදාම අපහසුවෙන් ජීවත් වූ අයෙකු බවත් ආදායම් මාර්ගයක් ලෙස ගොවිතැන් කරන බවත් මන්ත්‍රී එස්.බී.දිසානායක මහතා ප්‍රකාශ කර සිටිනවා.
එමෙන්ම, කොවිඩ් යනු සුළු සෙම්ප්‍රතිශ්‍යාවක් බවට තමන් සිදුකළ ප්‍රකාශය සම්බන්ධයෙන් එල්ලවූ විරෝධතා පිළිබඳව අදහස් දක්වමින් ඔහු පෙන්වා දුන්නේ තමන් එම ප්‍රකාශය සිදු කළේ මරණ බිය හේතුවෙන් මරණ ප්‍රමාණය ඉහළ යාම සම්බන්ධව ජනතාව දැනුවත් කිරීමට බවයි.
කොවිඩ් යනු සුව කළ හැකි රෝගයක්ය යන ස්ථාවරයේ තමන් තවමත් සිටින බව එහිදී ඔහු අවධාරණය කර සිටියා.
