බාලවයස්කරුවන් විසින් ඔන්ලයින් වීඩියෝ ක්‍රීඩා කරන කාලය පිළිබඳව පිළිබඳ සීමා දැඩි කිරීමට චීනය කටයුතු කර තිබෙනවා.
සඳුදා නිකුත් කරන ලද චීන රජයේ නව නීතිරීති වලට අනුව චීන දරුවන්ට පාසල් දිනවල මාර්‍ගගත (online) ක්‍රීඩා කිරීම තහනම් කර ඇති අතර සති අන්තයේ සහ නිවාඩු දිනවලදී ඒ සදහා දිනකට පැයක් පමණක් ලබා දේ.
මෙම ක්‍රීඩා සිය සංස්කෘතිය කෙරෙහි සෞඛ්‍ය සම්පන්න නොවන ආකාරයට බලපාන හෙයින් මෙම තීරණය ගත් බව චීනය පවසන බවයි The New York Times වාර්තා කරන්නේ.
චීනය මෙවැනි නීතිරීති පැනවීම අරඹන ලද්දේ 2019 වසරේ වන අතර එම නීති හරහා සතියේ දින වලදී මිනිත්තු 90ක් ද සති අන්තයේදී පැය 3ක්ද බැගින්ද ලබා දෙන පරිදි සීමා පණවා තිබුණා. දරුවන් සඳහා පැණවූ ඒ නීති මේ වන විට තවත් දැඩිව තිබෙනවා.
නව යෞවනයන් හා ළමුන්ට අහිතකර යැයි චීන කොමියුනිස්ට් පක්ෂය පවසන දෑ සම්බන්ධයෙන්ම ක්‍රියා කිරීමට චීනය ක්‍රියා කරන බව මෙම නව නීති මඟින් ද මනාව පිළිබිඹු වේ.
චීනයේ සයිබර් අවකාශ පරිපාලන ඒකකය පසුගිය සතියේදී ජනප්‍රිය පුද්ගලයින් ශ්‍රේණිගත කිරීම තහනම් කළ අතර තරුණ තරුණියන් විසින් ජනප්‍රිය පුද්ගලයන් පිළිබඳව අන්තර්ජාලය ඔස්සේ සෙවීම මර්දනය කිරීමද ආරම්භ කරන ලදි.
දරුවන්ගේ නිදහස් මනසට එරෙහිව රජයෙන් නීති සම්පාදනය පිළිබඳව ජාත්‍යන්තර දෝශාරෝපණ එල්ලවෙමින් පවතියි.
