අග්‍රාමාත්‍ය මහින්ද රාජපක්ෂ මහතා ඇතුළු දූත පිරිස අද (10) අලුයම කටුනායක බණ්ඩාරනායක ජාත්‍යාන්තර ගුවන්තොටුපලෙන් ඉතාලිය බලා පිටත්ව ගියා.
අග්‍රාමාත්‍ය මාධ්‍ය අංශය නිවේදනය කරන්නේ මෙම සංචාරයේදී අග්‍රාමාත්‍යවරයා G20 අන්තර් ආගමික හා සංස්කෘතික සමුළුවේ ආරම්භක සැසියේ ප්‍රධාන දේශනය පැවැත්වීමට නියමිත බවයි.
මීට අමතරව රාජතාන්ත්‍රික හමුවීම් කිහිපයකටම අග්‍රාමාත්‍යවරයා ඇතුළු දූත පිරිස සහභාගීවීමට නියමිතයි.
මෙම සංචාරය සඳහා විදේශ අමාත්‍ය ජී.ඇල්. පීරිස් මහතා, අග්‍රාමාත්‍ය ලේකම් ගාමිණී සෙනරත් මහතා, අග්‍රාමාත්‍ය ආර්යා ශිරන්ති රාජපක්ෂ මහත්මිය ඇතුළු පිරිසක් එක්ව සිටිනවා.
කෙසේ වෙතත් පසුගියදා ප්‍රවෘත්ති සාකච්ඡාවක් පවත්වමින් මැල්කම් කාදිනල් රංජිත් උතුමාණන් ප්‍රකාශ කර සිටියේ අග්‍රාමාත්‍යවරයාගේ මෙම ඉතාලි සංචාරය දැඩිව හෙළා දකින බවයි.
මෙම සංචාරය මගින් අග්‍රාමාත්‍යවරයා ඇතුළු දූත පිරිස පාස්කු ප්‍රහාරය පිළිබදව ජාත්‍යන්තරය හමුවේ වැරදි අවබෝධයක් ඇතිකිරීමට උත්සහ කරන බවට කාදිනල් උතුමාණන් චෝදනා කර සිටියා.
