ඇෆ්ගනිස්තානයේ බලය තහවුරු කරගෙන සිටින තලේබාන් සංවිධානය මෙවර එක්සත් ජාතීන්ගේ 76 වැනි මහ සමුළුව ඇමතීමට අවසර ඉල්ලා ලිපියක් යොමුකර තිබේ.
මේ වනවිට ජගත් සංවිධානයේ ඇෆ්ගන් තානාපතිවරයා ලෙස කටාර් රාජ්යයේ සිටින සිය ප්රකාශකවරයා නම් කිරීමටද තලේබාන් පාලනය මේ වනවිට පියවර ගෙන තිබේ.
එක්සත් ජාතීන්ගේ ප්රකාශක ස්ටෙෆාන් ඩුජරික් පැවසුවේ, මහලේකම් ඇන්ටෝනියෝ ගුටේරස්ට සැප්තැම්බර් 15 දා, ඇෆ්ගනිස්ථානයේ 76 වන වාර්ෂික සැසිවාරයට සහභාගී වන නියෝජිතයින්ගේ ලැයිස්තුව ඇතුලත් පණිවිඩයක් ඇෆ්ගනිස්ථාන තානාපති ගුලාම් ඉසැක්සායිගෙන් ලැබුණු බවයි.
ඉන් දින පහකට පසු, එක්සත් ජාතීන්ගේ ලෝක නායකයින්ගේ රැස්වීමට සහභාගී වීමට ඉඩ දෙන ලෙස ඉල්ලමින් තලේබානුවන් පිහිටවා ගත් ඇෆ්ගනිස්ථාන ඉස්ලාමීය එමිරේට්ස් විදේශ කටයුතු අමාත්ය අමීර් ඛාන් මුත්තාකිගේ අත්සනින් යුතු තවත් ලිපියක් ගුටරෙස්ට ලැබී ඇත.
මේ වනවිටත් චීනය ඇතුළු සීමිත රටවල් කිහිපයක් තලේබාන් පාලනය නිල වශයෙන් පිළිගෙන ඇති අතර චීනය තලේබාන් ඇෆ්ගනිස්ථානයට ආධාර ලබාදීමටද තීරණය කර තිබෙනවා.
සැප්තැම්බර් 27 දා අවසන් දිනයේදී ඇෆ්ගනිස්තානය සමුළුවේ අවසන් කතාව කිරීමට නියමිත වන අතර එම කථාව කිරීමට ඇෆ්ගනිස්ථානය වෙනුවෙන් ඉඩ ලබා දෙන්නේ කවර පාර්ශවයටදැයි ජාත්යන්තරය විමසිල්ලෙන් බලා සිටියි.